وەزارەتى دارایى ئابورى حکومەتى هەرێمی كوردستان برى زیاتر لە چوار ملیار دینار بۆ پارکى هەوارى شار و شەقامى بازنەیى مەلیک مەحمود و بلوارى رێگاى سلێمانى - تاسڵوجە خەرج دەکات.
وەزارەتى دارایى و ئابورى حکومەتى هەرێمى کوردستان لە نوسراوێکدا کە ئاراستەى وەزارەتى شارەوانى و گەشت و گوزارى کردوە، رەزامەندى نیشانداوە لەسەر خەرجکردنى بڕى چوار ملیار و 527 ملیۆن و 454.500 دینار بۆ بەرێوەبردن و چاکسازى لە بلوارەکانى شەقامەکانى پارکى هەوارى شار و بلوارەکانى شەقامى بازنەیى مەلیک مەحمود و بلوارى ڕێگاى سلێمانى – تاسلوجە.
بەپێى ئەو نوسراوەكه، بڕى دوو ملیار و 247 ملیۆن و 540 هەزار و 760 دینار بۆ بەڕێوەبردن و چاکسازى بلوارەکانى شەقامى پارکى هەوارى شار و بڕى یەک ملیار و 402 ملیۆن و 527 هەزار و 525 دینار بۆ بلوارەکانى شەقامى بازنەیى مەلیک مەحمود و بڕى 877 ملیۆن و 286 هەزار و 235 دینار بۆ بلوارەکانى رێگاى سلێمانى - تاسڵوجە تەرخان کراوە.
کۆمێنت (0)
تا ئێستا هیچ کۆمێنتێک نەکراوە.