له دیدارێكی سه‌رۆكی هه‌رێمی كوردستان و سه‌رۆكى هاوپه‌یمانیى نه‌سر، دۆخى سیاسى و ئابووریى و هه‌ڵبژاردنى پێشوه‌خته‌ى عیراق تاوتوێ كرا.
ئه‌مڕۆ چوارشه‌ممه 2021/7/14 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له به‌ڕێز حه‌یده‌ر عه‌بادى، سه‌رۆكى هاوپه‌یمانیى نه‌سر كرد.
له دیدارێكدا دۆخى سیاسى و ئه‌منى و ئابووریى عیراق تاوتوێ كرا و جه‌ختیان له گرنگیى به‌رده‌وامیى گفتوگۆى چاره‌سه‌ركردنى كێشه‌كانى هه‌ولێر ـ به‌غدا و هاریكاریى هه‌موو لایه‌نه عیراقییه‌كان بۆ تێپه‌ڕاندنى قه‌یرانه‌كان و چاره‌سه‌ركردنى كێشه‌كانى وڵات به‌گشتى كرده‌وه.
پرۆسه‌ى سیاسى و هه‌ڵبژاردنى پێشوه‌خته‌ى عیراق، مه‌ترسى و هه‌ڕه‌شه‌كانى تیرۆر و به‌ره‌نگاربوونه‌وه‌ى داعش ته‌وه‌رێكى دیكه‌ى دیداره‌كه بوون.
کۆمێنت (0)
تا ئێستا هیچ کۆمێنتێک نەکراوە.