وەزارەتی بازرگانی و پیشەسازی حكومەتی هەرێمی كوردستان رایگه‌یاند: قۆناغی یەكەمی چەكی پارەی گەنمی جوتیارانی ساڵی 2021 دابەش دەكرێت.
له‌راگه‌یه‌ندراوێكدا، نەوزاد شێخ کامیل بەڕێوەبەری گشتی بازرگانی لە وەزارەتى بازرگانى و پیشەسازى حكوومه‌تی هەرێمی كوردستان رایگەیاند: چەکی پارەی جوتیاران بۆ ساڵی (2021) وەک کاروانى یەکەم چەکەکانیان گەیشتە هەرێمی کوردستان و دوای پشووەكانی جەژنی قوربان دەست بە دابەش كردنی دەكرێت بەسەر جوتیاران.
ئه‌وه‌شی خسته‌ڕوو کاروانى یەکەمى چەکى پارەى گەنمى جوتیاران بڕەکەى پێنج ملیار دینارە، هەولێر/ یەک ملیارو پێنج سەد ملیۆن دینار. هه‌روه‌ها سلێمانی/ دووملیارو پێنج سە د ملیۆن دینار، دهۆک/ یەک ملیار دینار
کۆمێنت (0)
تا ئێستا هیچ کۆمێنتێک نەکراوە.