گەشتوگوزاری هەولێر ئامادەکاری بۆ هاتنی گەشتیاران ده‌کات

بەڕێوەبەرایەتی گشتی گەشتوگوزاری هەولێر ئامادەکاری بۆ هاتنی گەشتیاران لە رۆژانی جەژنی قوربان دەکات.

له‌ راگه‌یه‌ندراوێكی لە بەرێوەبەرایەتی گشتی گەشتوگوزاری هەولێر هاتووه‌، بەڕێوەبەرایەتییەکانی گەشتوگوزار لە قەزا  و ناحییەکان لە سنووری پارێزگای هەولێر بریاردرا بە پێکھێنانی چەندان لێژنەی تایبەت، بە مەبەستی چاودێریکردن و بەدواداچوون بۆ بنکە و ناوچە گەشتیارییەکان بۆ دڵنیابوون لە کردنەوە و پێشکەشکردنی خزمەتگوزاری بە ڕووی گەشتیاران لە رۆژانی جەژنی قوربانی پیرۆز.

لێژنەکانی بەرێوەبەرایەتی گشتی گەشتوگوزاری هەولێر بە هەماهەنگی لەگەڵ لێژنەکانی قائیمقامیەتی قەزای ناوەندی هەولێر و کۆمەڵەی  میوانخانەکان و چێشتخانەکانی کوردستان/لقی هەولێرە

١.  لێژنەی تایبەت پێکھێنراوە بۆ بەدواداچوون لە پێداویستی گەشتیاران لە بازگەکان و دابینکردنی ئاوی خواردنەوە بۆیان.

٢. دابەشکردنی ژمارەی تەلەفۆن بۆ پەیوەندیکردنی گەشتیاران بەتمەکانمان لە کاتی هەر ڕووداوێک یان گیروگرفتێک.

٣.پاک راگرتنی شوێنی تایبەت بە دەست شۆر و توالیتەکان لە بازگەکان.

٤. لێژنەی تایبەت بۆ بەرەنگاربوونەوەی هەر ڕووداوێک بەهەماهەنگی لەگەڵ قائیمقامەیەتیەکان ،وە تیمەکانی بەرگری شارستانی و تەندروستی لەبنکە گەشتیارەکان.

٥. بەرێوەبەرایەتیەکانمان لە بنکە گەشتیارییەکان لە قەزا و ناحیەکانی سەر بە پارێزگای هەولێر، ھەستاون بە دانانی تابلۆی رێنیشاندەر، ناونیشانی شوێنە گەشتیارییەکان و تابلۆی رێنمایی.

٦. دانانی تیمی تایبەت بە فریاگوزاری خێرا و تیمی مەلەوانی (غواص) لە شوێنە گەشتیارییەکان بەھاوکاری بەرگری شارستانی و تەندروستی لە قەزاکان.

٧. لە سنووری پارێزگای هەولێر، پێنج لێژنە پێکهاتووە بۆ بەدواداچوون لە رەوشی گەشتیاران لە بنکە گەشتیارییەکان بە هاوکاری قایٔیم قامیەتی قەزای ناوەندی هەولێر و  کۆمەڵەی میوانخانەکان و چێشتخانەکانی کوردستان / لقی هەولێر. هەروەها کار کراوە بۆ کردنەوەی گشت بنکە گەشتیارییەکان و بۆ پیشوازی لە گەشتیاران لە رۆژانی جەژنی قوربانی پیرۆز.بەپێچەوانەوە یٔەوەی پابەند نەبێت بەشێوەیی یاسایی سزا دەدەرێت.

٨. لێژنەی تایبەت پێکهاتووە بە مەبەستی چاودێری کردنی نرخ لە شوێن و بنکە گەشتیارییەکان لە سنووری  پارێزگای هەولێر.

لە ڕووی وەرگرتنی داتا و ئاماری گەشتیاری: ئاماری تایبەت بە ژمارەی گەشتیاران کە سەردانی پارێزگای هەولێریان کردووە لە رێگەی فڕۆکەخانەی نێودەوڵەتی هه‌ولێر و بازگەکان لە بەرواری  ٢٠٢١/١/١ تاوەکو ٢٠٢١/٧/١٤  بریتییە لە ١,١٥٧,٣٩١ گەشتیار.