بۆ پێكھێنانی ئەم دوو لیوا ھاوبەشە، وەزارەتی پێشـمـەرگە ھـێزەكانی ئامادەكـردووە
سەربەست لەزگین بریكاری وەزارەتی پێشمەرگەی حکوومەتی هەرێمی کوردستان لە لێدوانێکی تایبەتدا، رایدەگەیەنێت: دوای ئەوەی ناوەندەکانی هەماهەنگی هاوبەش، (مرکز التنسیق المشترک) لە نێوان وەزارەتی بەرگری عێراق و وەزارەتی پێشمەرگە دەستبەکاربوون، بڕیارە دوو لیوای هاوبەش لەنێوان هێزی پێشمەرگەو سوپای عێراقی پێکبهێنرێت، بۆ پێكھێنانی ئەم دوو لیوا ھاوبەشە، وەزارەتی پێشمەرگە ھێزەكانی ئامادەكردووە.
لە ئێستادا گفتوگۆ لەبارەی پرچەككردن و مووچەی ئەو دوو لیوایە دەکرێت. رۆژی شەممە 17-7-2021 سەربەست لەزگین، بریكاری وەزارەتی پێشمەرگە بە رۆژنامەنووسانی راگەیاند: رێکخراوی تیرۆریستی داعش لە (كەركووک، خانەقین، دیالە، سەلاحەددین، ئەنبار و رۆژئاوای موسڵ)، تا دێت کردە تیرۆریستییەکانیان زیاتر دەكەن.
هەروەها وتی: ھاوپەیمانان و ھەرێمی كوردستان و عێراقیش گەشتونەتە ئەو بڕوایەی جوڵەکانی داعش مەترسییان دروست کردووەتەوە، بۆ رووبەڕووبوونەوەی ئەو مەترسییەش، پێوستە ھەماھەنگی لەنێوان هێزی پێشمەرگە و سوپای عێراق ھەبێت.
لەبارەی دوو لیوا ھاوبەشەكەی نێوان هێزەکانی پێشمەرگەو سوپای عێراق، بریکاری وەزارەتی پێشمەرگە رایگەیاند: بەرەو پێشچوونی باش لە نێوان ھەولێرو بەغدا ھەیە، بۆئەم مەبەستە لە ئێستادا گفتوگۆ لەسەر (پرچەككردن و مووچە و پەیكەربەندی) دوو لیواکە دەکرێت، ئێمە لە وەزارەتی پێشمەرگە ئەو ھێزانەی بۆ ئەو دوو لیوا دیاری کراون، ئامادەمان کردوون.
سەنتەری میدیا
کۆمێنت (0)
تا ئێستا هیچ کۆمێنتێک نەکراوە.