حكوومه‌تی ئه‌ڵمانیا ده‌ڵێت: چه‌ند لیستێكیان ده‌ست كه‌وتووه كه ناوی رۆژنامه‌نووس و به‌رهه‌ڵه‌ستكارانی توركیای تێیادایه.
دوای بڵاوبوونه‌وه‌ی ده‌نگۆی ئه‌وه‌ی كه گوایا گرووپه توندڕه‌وه‌كانی سه‌ربه توركیا له ئه‌ڵمانیا، هه‌ڕه‌شه‌ی كوشتنیان له سیاسه‌تمه‌دار و چالاكڤانه كورده‌كانی دانیشتووی ئه‌ڵمانیا و رۆژنامه‌نووسانی به‌رهه‌ڵه‌ستكاری حكوومه‌تی توركیا كردووه، حكوومه‌تی ئه‌ڵمانیا بێده‌نگی خۆی شكاند و راگه‌یه‌نراوێكی بڵاو كرده‌وه.
حكوومه‌تی ئه‌ڵمانیا له راگه‌یه‌نراويَكدا كه وه‌كو وه‌ڵامی په‌رله‌مانتاری كوردی په‌رله‌مانی ئه‌ڵمانیا هلێن ئه‌ڤرم سوومه‌ڕ بڵاویكردووه‌ته‌وه، ئاماژه‌ی به‌وه كردووه كه به‌ڵێ گرووپه نه‌ته‌وه‌په‌ره‌ست و توندڕه‌وه‌كانی سه‌ربه توركیا به تایبه‌تی ئه‌وانه‌ی توركیا پشتیوانی داراییان ده‌كات، له ئه‌ڵمانیا چه‌ند لیسته‌یه‌كیان كه له ناوی سیاسه‌تمه‌دار، چالاكڤانی كورد و رۆژنامه‌نووسانی به‌رهه‌ڵه‌ستكاری حكوومه‌تی توركیا پێكهاتووه، ئاماده كردووه و مه‌به‌ست له ئاماده كردنی لیستی ئه‌و ناوانه‌یش بۆ هێرش كردنه سه‌ریان بووه.
حكوومه‌ت له راگه‌یه‌نراوه‌كه‌دا دانی به‌وه‌دا ناوه كه ده‌زگا هه‌واڵگری و ئه‌منییه‌كانی ئه‌ڵمانیا به‌ڵگه‌یان ده‌ستكه‌وتووه كه گرووپه نه‌ته‌وه‌په‌ره‌ست و توندڕه‌وه‌كانی سه‌ربه توركیا، هه‌ڕه‌شه‌ی كۆشتنیان له‌وانه كردووه و بۆ ئه‌م مه‌به‌سته‌یش ئاماده‌كارییان كردووه.
ئه‌رده‌لان گۆران
کۆمێنت (0)
تا ئێستا هیچ کۆمێنتێک نەکراوە.