یۆنان.. فڕۆکەیەک لە کاتی کوژاندنەوەی ئاگری دارستانەکانی دوورگەی زاکینتۆس کەوتە خوارەوە

فڕۆکەیەکی جۆری پیتزیتیل لە کاتی ھەوڵی کوژاندنەوەی ئاگری دارستانەکانی دوورگەی زاکینتۆس لە یۆنان کەوتە خوارەوە و فڕۆکەوانەکەش رزگار بوو.
دامەزراوەی ئاگرکوژاندنەوەی یۆنان رایگەیاند، یەکێک لەو دوو فڕۆکەی جۆری پیتزیتیلەی کە بە مەبەستی پاڵپشتیکردنى کوژاندنەوەی ئاگری دارستانەکان لە دوورگەی کەفالۆنیاوە بۆ دوورگەی زاکینتۆس نێردراون، لە ناوچەی لاگۆپۆدۆ-ماھیرادۆ کەوتە خوارەوە.
راگەیەندراوەکە، ئەوەشی ئاشکراکرد کە فڕۆکەوانی فڕۆکەکە رزگاری بووە و لەلایەن تیمەکان ئاگرکوژێنەوەوە لە ناوچەی ئاگرەکان دوورخراوەتەوە.
ھاوکات، لایەنە بەرپرسەکان لێکۆڵینەوەیان لە ھۆکاری کەوتنەخوارەوەی فڕۆکەکە دەستپێکردووە.