له‌ سنووری پارێزگای هه‌ولێر چه‌ند پرۆژه‌یه‌کی خزمه‌تگوزاری بۆ گه‌ڕه‌که‌کان ئه‌نجامده‌درێت

به‌رێوه‌به‌رایه‌تی گشتی شاره‌وانییه‌كانی هه‌ولێر رایگه‌یاند: به‌شێكی دیكه‌ی شه‌قام و گه‌ره‌كه‌كانی  سنووری پارێزگای هه‌ولێر كۆنكرێت ده‌كرێن.
به‌رێوه‌به‌رایه‌تی گشتی شاره‌وانییه‌كانی هه‌ولێر بڵاویكرده‌وه‌: بە مەبەستى زیاتر خزمەتکردنى هاووڵاتیان ,  بە گوژمەى (١,٥٠٠,٥٠٠,٠٠٠ ) یەک ملیار و پێنج سەد ملیۆن و پێنج سەد هەزار دینار لە سنورى شارەوانى بەحرکە  چه‌ند پڕۆژه‌یه‌ك بۆ  گەرەکەکانى ( ژین ، ئاشتى ) جێ به‌جێ ده‌كرێت .
راشیده‌گه‌ێنێت: ئەم پڕۆژانە ئەم  بڕگانە لە خۆدەگرێت ،  کردنەوە و تەخت کردن و لابردنی بەربەست ،  گواستنەوەى هێڵەکانى گەیاندن کارەبا ، تەلەفۆن ، ئینته‌رنێت و ئاو ئاوەڕۆ  دانانى و بەکارهێنانى ( B.R.C ) و کۆنکرێت کردنى کۆڵانەکان لە جۆرى ئاسایى     ( ١ : ٢ : ٤ ) .
 به‌رێوه‌به‌رایه‌تییه‌كه‌ ئاماژه‌ بۆ ئه‌وه‌شده‌كات: ئەم پرۆژانە لە سەر بودجەى پارێزگاى هەولێر  وە بە شێوەى بەلێندەرایەتى جێبەجێ دەکرێت.