ب کوژمێ (18) ملیار و(500) ملیون دینارا پرۆژه‌ ل سنورێ ده‌ڤه‌رداریا سێمێلێ دهێنه‌ چێکرن

 بو دووڤ چونا پرۆژێن خزمه‌تگوزارى ئه‌وێن  ل سنورێ ده‌ڤه‌رداریا سێمێلێ دهێنه‌ ئه‌نجامدان  ئه‌ڤرو سپێدێ   9/13/ 2021 به‌رێز د.على ته‌ته‌ر  پارێزگارێ دهوكێ  ب ئاماده‌بونا خه‌لیل محمود ده‌ڤه‌ردارێ سێمێلێ وچه‌ند به‌رپرسێن حزبى وئیدارى به‌رێ بنیاتى بو چه‌ند پرۆژا هاته‌ دانان وچه‌ند پرۆژه‌ هاتنه‌ دیتن.
1-دانانا به‌رێ بنیاتى بو چێكرن وقێركرنا سایده‌كێ جادا (30)م وچێكرنا رێكێن نافخویى ل كومه‌لگه‌ها ته‌ناهى ب درێژاهیا (1,5)كم  بكوژمێ(559) ملیون دینارا .
2- سه‌ره‌دانا پرۆژێ چێكرنا ئه‌نده‌ر پاسا سێمێلێ ل سه‌ر رێكا نیڤ ده‌وله‌تى (دهۆك – سێمێل- زاخو) كو هه‌تا نوكه‌ دناڤبه‌را(20- 25 %) هاتیه‌ چێكرن كوژمێ ته‌رخانكرى یێ پرۆژه‌ى پتره‌ ژچار ملیار ودوو سه‌د ملیون دینارا.
3- دانانا به‌رێ بنیاتى بو  چێكرنا رێكێن نافخویى ل سه‌نته‌رێ ناوچه‌داریا باتێلێ  ب درێژاهیا (652) مترا بكوژمێ(196) ملیون دینارا.
4- دانانا به‌رێ بنیاتى بو چێكرنا رێكا سه‌ره‌كى قوناغا (3) دگه‌ل چێكرنا سولینا ل كومه‌لگه‌ها خانكێ بكوژمێ (744) ملیون دینارا.
5- دانانا به‌رێ بنیاتى بو چێكرنا رێكێن نافخویى كه‌رتێ (3و4) ب درێژاهیا نێزیكى (6)كم دگه‌ل چێكرنا سولینه‌كا پایپ یا (90)سم ب درێژاهیا (1000)مترا ل سه‌نته‌رێ سێمێلێ بكوژمێ (827) ملیون دینارا.
هه‌موو پرۆژه‌ ل سه‌ر بودجا حكومه‌تا هه‌رێما كوردستانێ دهێنه‌ ئه‌نجامدان.
دداخویانییه‌كێدا پارێزگارێ دهۆكێ گوت: ل دووڤ راسپاردێن به‌رێز مسرور بارزانى سه‌روكێ حكومه‌تا هه‌رێمێ  وبه‌رنامێ كابینا (9)  خزمه‌تگوزارى به‌رده‌وام بو خه‌لكێ كوردستانێ دێ هێنه‌ دابینكرن  ورۆژانه‌ ژماره‌كا پرۆژا دهێنه‌ ئه‌نجامدان ، به‌رى چه‌ند رۆژا مه‌ ژماره‌كا پرۆژا ل سنورێ ناوچه‌داریا فه‌یدیێ ڤه‌كرن وبه‌رێ بیناتى بو هنده‌كێن دن دانا ئه‌ڤرو ژى مه‌ ل سنورێ ده‌ڤه‌رداریا سێمێلێ به‌رێ بنیاتى بو چه‌ند پرۆژا دانا بگشتى نوكه‌ ب كوژمێ پتر ژ (18) ملیار و(500) ملیون دینارا پرۆژه‌ ل سنورێ ده‌ڤه‌رداریا سێمێلێ دهێنه‌ ئه‌نجامدان وئه‌م مزگینیێ دده‌ینه‌ خه‌لكێ خو حكومه‌تا هه‌رێمێ دێ به‌رده‌وام خزمه‌تگوزاریا پێشكێشى وان كه‌ت ولرۆژێن بهێت ژى بكوژمێ پتر ژهه‌شت ملیار دینارا پرۆژه‌ دێ هێنه‌ راگه‌هاندن.