به‌هره‌مه‌ند شاناز ئیدریس عه‌لی، ئاكنجی یا قه‌زایا سێمێلێ ژی وێ 22 سالن ، ده‌رچوویا قوناغا دوزاده‌یێ زانستی یه، د دیمانیه‌كا تایبه‌ت دا د گه‌ل كوردستان تیڤی دا ، چه‌ندین شێوازێن به‌هرێت خۆ تایبه‌ت به‌هرێ هونه‌را ترسا زۆمبێ ، كو ئه‌و ئێكه‌م كه‌سه ل سه‌رانسه‌رێ كوردستانێ ئه‌ڤ كاریه وێ هونه‌رێ ئه‌نجام بده‌ن.
* چه‌ند شێواز و جۆرێن هونه‌ران دزانی د ڤیی واری دا ؟.
- ژبلی خاندنا خو یا ئاماده‌یێ ، ئه‌ز به‌هره‌مه‌ندم ب ١٧ شیوازێت هونه‌ری ،لێ هونه‌ری بوویه جهێ سه‌ره‌نجا خه‌لكێ ناڤ كۆمه‌لگه‌هێ و سوشیال میدیایێ هونه‌ری ترسی بوویه، كو دهێته بناڤكرن SFXو دوو جورێت دی یێن من داهێنان ل سه‌ر كرییه، كو ل ده‌مێن داهاتی دا دی هێته نمایشكرن كو ئه‌ز داهێنه‌را وانم .
* هونه‌را ترسا زۆمبێ چییه و چه‌وا ته ڤیایه كار ل سه‌ر بكه‌ی ؟
- هونه‌ری زومبی بۆ فلم و درامایا دهێته بكارئینان ب شیوه‌كێ گشتی، لێ من ڤیا پتر پێش بێخم دبوارێت زانستی ژی دا بكاربینم ب تایبه‌ت بۆ كلینیكێت نوژداری،داكو راهێنانا ب قوتابێت به‌شێت پزشكی بكه‌ن و بۆ سه‌نگه‌رێت پێشمه‌رگه‌ی ل ده‌مێ مه‌شق و راهێنانان كا دێ چه‌اوا كۆنترولا ل سه‌ر خوینبه‌ربونێ كه‌ین د برینێن مه‌زن دا و من ڤیایه كار ل سه‌ر بكه‌م و نها به‌ره‌ف سه‌ركه‌فتنا خو دچم د ڤی بواری دا .
* كه‌لوپه‌لێن تو كار ل سه‌ر دكه‌ی ل هه‌رێما كوردستانێ ب ده‌ست دكه‌ڤن ؟
- هه‌لبه‌ت كه‌ره‌ستێن ئه‌ڤێ هونه‌رێ ل كوردستانێ نینه، ژبه‌ر كو هه‌تا نها چ فلمێن ب ترس نه‌هاتینه به‌رهه‌م ئینان ئه‌و فلم و درامایێن دهێنه دروستكرن ژی ب رییا میكئاب دانه‌ریت سینه‌مایێ ل په‌یمانگه‌ها هونه‌رێن جوان یان ژی ب رێیا كۆمپانیاێن سپونسه‌ر ب ده‌ست وان دكه‌فن ، كو هه‌مان ده‌م دا ئه‌و كه‌سیت وێ میكئابێ دانن ژی نه ل كوردستانێ و عیراقێ نه ، به‌لكو ژ ده‌رفه‌یێ ولاتی تینن ، لی من ب هزرا خو و شیانیت خو شیایه داهێنانێ ل سه‌ر جوره ماده‌یه‌كێ بكه‌م كو سه‌دا سه‌د سه‌ركه‌فتن تێدا ئینایه كو ب گشتی دشێن بۆ فلم و درامایێ ژی بكار ئینین هه‌لبه‌ت دبیته شوینگره‌ك بۆ كه‌ره‌ستێن ڤی هونه‌ری .
* ته جهه‌كێ تایبه‌ت هه‌یه بۆ ئه‌نجامدانا كارێن خو ؟
- هه‌تا نها من چ جهێت تایبه‌ت نه‌بووینه كو كاری خو تێدا ئه‌نجام بده‌م ژبه‌ر كو ئه‌ز قوتابی بووم من خاندنا خو دوماهیك ئینانا ئه‌ڤساله و د نها دا مه هزره‌ك هه‌یه و پێنگاڤ ژی هاڤیتینه كو د شییان دا بیت جهێ تایبه‌ت ب خو ڤه‌كه‌ین .
* وه‌ك هونه‌رمه‌نده‌ك هه‌تا چه‌ند ڤی جوره هونه‌ری به‌راوارد دكه‌ی دگه‌ل كه‌لتور و هونه‌رێ كوردی ؟
- وه‌ك هونه‌رمه‌ندێن ڤێ هونه‌رێ بتنێ ب ریژه‌یا هه‌شت ملیۆن كه‌سان ل سه‌ر ئاستێ جیهانێ ئه‌نجام دده‌ن، له‌ورا دگه‌ل هه‌می كه‌لتورا نه‌بوویه و نه‌گونجایایه، لێ دبینم گه‌نجێن كورد ب هزر و هێز و شییانێن خو دێ شێن داهێنانان بكه‌ن ، له‌ورا من ب فه‌ر زانی وه‌ك وه‌لاتێن روژئاڤایێ هونه‌رێ سینه‌مایێ ب ده ست خو ڤه بینم ل سه‌ر ئاستێ عێراقێ و هه‌رێما كوردستانێ ژی و بێخمه د بوارێ هونه‌رێت سه‌رده‌میانه دا،هه‌لبه‌ت كه‌لتور هونه‌ری ناساندنا ملله‌تان ،لێ هونه‌رێ سینه‌مایێ گرێدایی سه‌رده‌میانه‌یه كو مفایێن زور یێت هه‌ی ژبلی فلمان و درامایان.
* ئایه هه‌تا چه‌ند ته مفا ژ هونه‌رمه‌ندێن هه‌ڤ پیشه‌یێن خو دیتییه ل جیهانێ ڤی كاری ئه‌نجام دده‌ن ؟
-من مفا بتنێ ژوان كه‌سان دیت یێن ئه‌ڤی هونه‌ری دكه‌ن ل وه‌لاتێن بیانی ، لێ ب رییا یوتیوبێ بتنێ من شییا داهێنانێ بكه‌م و نها یوتیوبێ ب مامۆستایێ خو دبینم بتنێ د ماوه‌كێ كێم دا ، ژبه‌ر كو وه‌كی دی هه‌می هزر و داهێنانان یێن من بوون .
* ب بۆچوونا ته په‌یمانگه‌هێن هونه‌رێن جوان شییا كار د ڤێ هونه‌رێ دا بكه‌ت ؟
-په‌یمانگه‌ها هونه‌رێن جوان ژ ده‌ستپێكێ و هه‌تا نها ژی نه‌شییا هونه‌رێ سینه‌مایێ بێخیته د بوارێ
گه‌شه‌كرنێ دا ، هونه‌ره‌كێ زور لاواز و مری بكار تینن بۆ فێركرنا قوتابیێن به‌شێ میك ئابێ ژبه‌ر كو لاوازیا وان هه‌تا نها ژی مه مفا ژ قوتابیێن خو نه دیتینه و نه‌هاتینه مه‌یدانا هونه‌رێ ترسێ هه‌ر ده‌رهێنه‌رێن مه پێدڤی ب مامۆستایێن بیانی هه‌یه ، هه‌م بۆ فێركرنێ ل په‌ێمانگه‌هێ و بۆ فلما و درامایایێ ژی و هونه‌رێ ل په‌یمانگه‌هێ دهێته خاندن بتنێ برینه‌كا لاوازه چ یا شه‌قكری بیت یان ژی یا سوتی بیت و نه شیاینه وه‌ك من ئه‌ندام و كۆئه‌ندام مرۆڤی ژ ده‌رڤه و ژناڤا له‌شی دا دروست بكه‌ن .
* وه‌ك هونه‌رمه‌نده‌ك تو چ جاران رووبروویێ كه‌فێن جڤاكی بوویه‌ڤه ژ ڤی هونه‌رێ ب ترس ؟
-هه‌لبه‌ت چ ده‌ستپێكه‌ك بۆ چ كه‌سان و بۆ چ كاران بێ گه‌ف و ئاسته‌نگ نه‌بووینه ، ڤیجا چ ژلایێ جڤاكی بیت یان ژی سۆشیال میدیایێ بن . هه‌لبه‌ت ره‌خنه ژی دهاتن و من ب لاوازی وه‌ردگرتن ، ژبه‌ر كو ره‌خنه‌یێن ئاڤاكه‌ر نه‌بووینه ، لێ من به‌رده‌وامی دایه سه‌ركه‌فتنێن خو و نها ژی د ئاسته‌كێ بلند یێ سه‌ركه‌فتێ دا مه .
* كه‌سێ داخاز ژ ته نه‌كرییه كو فێری وێ كارێ ب ترس بكه‌ی ؟
-هه‌لبه‌ت كاری من یێ كێمه و بوویه جهێ مه‌نده‌هوشیێ و خوشیێ ل ده‌ف خه‌لكه‌كێ و ژبلی كچ و كوران ژی ژلایێ زوربه‌یێ فه‌رمانبه‌ران ژی كو د هه‌می پله و پوستان دا كار دكه‌ن و داخاز ژ من كرییه وان فێربكه‌م ، لێ من نه‌خواست وان فێر بكه‌م ، ژبه‌ر كو ئه‌ڤ هونه‌ره هونه‌ره‌كێ ئاسانه وه‌ك تابلو و ستران گوتنێ ، كو هه‌ر كه‌سێ داخواز بكه‌ت فێر بكه‌ین بتنێ بۆ ده‌مێن پێدڤی نه‌بیت بۆ كلینیكێت نوژداریێ و بۆ كارێت زانستی و قوتابیان و فلم و هه‌لكه‌فتان نه‌بیت ئه‌م ڤی كاری بۆ كه‌سی ئه‌نجام ناده‌ین.
ئا- رێبه‌ر عه‌بدوڵا
کۆمێنت (0)
تا ئێستا هیچ کۆمێنتێک نەکراوە.