كچه یاریزانی لاتڤی، ئێلینا ئۆستاپێنكۆ گه‌یشته یاری كۆتایی پاڵه‌وانێتی نێوده‌وڵه‌تی لۆكسمبۆرگ له یاری تێنسی سه‌رزه‌وی له ئاستی خانمان.
له قۆناغی پێش كۆتاییدا، ئۆستاپێنكۆی پۆلێنكراوی سییه‌می ڕیزبه‌ندی كچه تێنسزانانی جیهان و خاوه‌نی نازناوی پێشووی پاڵه‌وانێتیه‌كه به دوو كۆمه‌ڵه‌ی بێ به‌رامبه‌ر له لودمیلا سامسۆنۆڤای ڕوسی برده‌وه.
یارییه‌كه یه‌ك كاتژمێرو بیست وهه‌شت خوله‌كی خایاندو ئه‌نجامی كۆمه‌ڵه‌كان شه‌ش یه‌ك، حه‌وت شه‌ش بوو.
له یاری كۆتایی پاڵه‌وانێتیه‌كه‌دا، ئۆستاپێنكۆ ڕووبه‌ڕووی كلارا تاوسۆنی دانیماركی و پۆلێنكراوی حه‌فتایه‌مینی ڕیزبه‌ندی جیهان ده‌بێته‌وه.
جێگای باسه كۆی خه‌ڵاته‌كانی ئه‌م پاڵه‌وانێتیه دووسه‌دوپه‌نجا هه‌زار دۆلاری ئه‌مه‌ریكیه.
کۆمێنت (0)
تا ئێستا هیچ کۆمێنتێک نەکراوە.