پارێزگارێ دهۆکێ دگەل بەلێندەران کومبوو

ب مەرەما گوهداریکرنا گلەوگازندە و پشتەڤانیکرنا بەلێندەران بۆ ئەنجامدانا کاروپرۆژان ب باشترین شێوە  “د.عەلی تەتەر”پارێزگارێ دهۆکێ ل بارەگایێ ئێکەتیا بەلێندەرێن کوردستانێ/تایێ دهۆک دگەل بەلێندەرێن پارێزگەها دهۆکێ کومبوو.
دپەیڤەکێدا پارێزگارێ دهۆکێ ئاماژەدا کو ژبەر قەیرانا دارایی و شەرێ تیرورستێن چەپەلێن داعش و پەژیکا کۆرۆنایێ پارێ بەلێندەران لدەف حوکمەتێ مایە و ئەم چاڤەرێینە ئەڤی بابەتی دگەل جڤاتا وەزیران ددەمەکێ گونجایی دا چارەبکەین، هەروەسا پارێزگارێ دهۆکێ دیارکر لدویڤ بەرنامێ کابینا نەهێ یا حوکمەتا هەرێما کوردستانێ و ئەنجامدانا پرۆژان، جارەکا دی ڤەژاندن کەفتیە کارێ وەبەرهێنان و ئاڤەدانکرنێ و ۆرۆژێن خزمەتگۆزاری مفادارێ ئێکێ ژی بەلێندەرن و پشکەکا وان قەرێن کو بەلێندەران لدەف حوکمەتێ هەیی هاتینەدان و بزاڤا ئەداکرنا هەموو قەران ژی دێ هێتەکرن.
پاشان پارێزگارێ دهۆکێ گوهداریا تێبینی و پێشنیار و داخوازیێن بەلێندەران کر و دکۆنگرەکێ رۆژنامەڤانیدا راگەهاند کو دێ کۆمبوونێن تەکنیکی بۆ چارەکرنا ئاریشێن بەلێندەران دبەردەوام بن.