رێکخراوی (UNDP) لە عێراق پشتیوانی خۆی بۆ پارێزگای هه‌ولێر دووپاتکرده‌وه‌

پارێزگاری هەولێر، پێشوازی لە شاندێکی رێکخراوی (UNDP) لە عێراق کرد
ئەمڕۆ پێٍنجشەمە 2021.9.23،  ئومێد خۆشناو، پارێزگاری هەولێر، لە دیوانی پارێزگا، پێشوازی لە ستیفن شمیپ، به‌رێوه‌به‌رى بەرنامەی پەرەپێدانی نەتەوەیەکگرتووەکان (UNDP) لەعێراق و شاندێکی یاوەری کرد.
لەدیداەکەدا، پارێزگارى هه‌ولێر وێڕاى پیرۆزبایى به‌ بۆنه‌ى ده‌ست به‌كاربوونى ، وه‌ك به‌رێوه‌به‌رى نۆێى بەرنامەی پەرەپێدانی نەتەوەیەکگرتووەکان (UNDP) لە عێراق، هیواى سه‌ركه‌وتنى له‌كاره‌كانیدا بۆخواست، پاشان گفتوگۆ لەباره‌ى ڕەوشی ناوچه‌كه‌ به‌ گشتیی و پڕۆژە هاوبەشەکانی نێوان هەردوولا بۆ پێشکەشکردنی هاوکاری و یارمەتی و خزمەتکردنی ئاوارە و پەنابەران و دابینکردنی پێداویستی و چارەسەرکردنی کێشە و گرفتەکانی کەمپەکان كرا و هەردولا جەختیان لەسەر هەماهەنگی و هاوکاری زیاتری نێوان پارێزگای هەولێر و (UNDP) كرده‌وه‌. 
لەکۆتایشدا، پارێزگاری هەولێر، تەئکیدی له‌سه‌ر ته‌واوى پشتیوانی خۆی بۆ بەرنامە و پرۆژە و کارەکانی ڕێکخراوی ناوبراو ڕاگەیاند.