نرخی جیهانی نه‌وت دابه‌زینی به‌خۆیه‌وه‌ بینی

ئه‌مڕۆ هه‌ینی نرخی نه‌وت دابه‌زینی به‌خۆیه‌وه‌ بینی ئه‌ویش به‌هۆی به‌رزبوونه‌وه‌ی ڕێژی حه‌مباركردن له‌ كۆگاكانی نه‌وتی خامی ئه‌مه‌ریكا.

نرخی نه‌وتی خامی بررێنت ئه‌مڕۆ هه‌ینی 92 سه‌نت دابه‌زینی به‌خۆیه‌وه‌ بینی و بووه‌ 77.72 دۆلار بۆ هه‌ر به‌رمیلێك.

هه‌روه‌ها نه‌وتی خامی سووكی تێكساسی ئه‌مه‌ریكاش به‌هه‌مانشێوه‌ دابه‌زینی به‌خۆیه‌وه‌ بینی و 1.54 دۆلار دابه‌زی و بووه‌ 73.29 دۆلار بۆ هه‌ر به‌رمیلێك.

ئه‌م دابه‌زینه‌ی نرخی نه‌وت بۆ ئه‌وه‌ ده‌گه‌ڕێته‌وه‌ كه‌ ڕێژی حه‌مباركردن له‌ كۆگاكانی نه‌وت له‌ ئه‌مه‌ریكا دوای تێپه‌ڕبوونی تێكچوونی كه‌شوهه‌وا و لافاوه‌كانی كه‌نداوی مه‌كسیك بۆ 418.5 ملیۆن به‌رمیل به‌رزبووه‌وه‌.