مه‌کته‌بی سیاسی پارتی سەرەخۆشی لە خانەوادەی زیرەک کەمال و دکتۆر خدر ھێرۆیی دەکات

 مەکتەبی سیاسی پارتی دیموكراتی كوردستان، سەرەخۆشی لە خانەوادەی زیرەک کەمال و دکتۆر خدر ھێرۆیی دەکات.

بەناوی خوای بەخشندە و میھرەبان

به‌ڕێز کاک زیرەک کەمال

بەداخ و پەژارەیەكی زۆره‌وه‌ هه‌واڵی كۆچی دوایی خوشکی بەڕێزتان خاتوو(فائیزە) مان بیست. خوشکە (فائیزە) ئافرەتێکی تێکۆشەر و بەشداری شۆڕشی مەزنی ئەیلول بوو.

بەم بۆنە خەمناکەوە سه‌ره‌خۆشیی ئاڕاسته‌ی خانه‌واده‌ كوردپه‌روه‌رەکەتان و ته‌واوی كه‌سوكار و خزم و ئازیزانی خوالێخۆشبوو ده‌كه‌ین و، خۆمان به‌ هاوبه‌شی خه‌متان ده‌زانین.

له‌ خودای گه‌وره‌ داواكارین دڵنه‌وایی و ئارامی به‌ هه‌موو لایه‌ك ببه‌خشێت و، گیانی خوشکی کۆچکردوتان به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات.

انا للە و انا الیە راجعون

مەكتەبی سیاسی پارتی دیموكراتی كوردستان

_________________________

هەڤاڵی بەڕێز دکتۆر خدر ھێرۆیی

خەمباربووین بە بیستنی هه‌واڵی کۆچی دوای کاکە (ئیبراھیم)ی کوڕی به‌ڕێزتان.

سه‌ره‌خۆشی ئاڕاسته‌ی به‌ڕێزتان و خانه‌واده‌ و که‌سوکار و خزم و ئاشنایانتان ده‌که‌ین و، هاوبه‌شی خه‌م و پەژارەتانین.

له‌ خودای گه‌وره داواکارین گیانی خوالێخۆشبوو به‌ به‌هه‌شتی به‌رین شاد بکات و ئارامی و دڵنه‌وایی به‌ به‌ڕێزتان و خانه‌واده‌ و ھەموو لایەک ببه‌خشێت.

انا للە و انا الیە راجعون

مەكتەبی سیاسی پارتی دیموكراتی كوردستان