ل پاریزگەها دهوکێ پروژێ رێکا قەرەناز - بەنێنان - دارەتو - کەورەسور د بوارێ جێ بەجیکردنێ دایه

بو دووڤ چونا قوناغێن چێكرن وقێركرنا رێكا سه‌ره‌كى یا چه‌ند گوند وگومه‌لگه‌هێن (قه‌ره‌ناز - به‌نێنان – داره‌تو- كه‌وره‌ سور)  د.على ته‌ته‌ر پارێزگارێ دهۆكێ و ئیسماعیل مسته‌فا ده‌ڤه‌ردارێ به‌رده‌ره‌ش وچه‌ند رێڤه‌به‌رێن گشتى سه‌را پرۆژێ چێكرن وقێركرنا رێكا گوندێن قه‌رناز به‌نێنان وداره‌توو وكه‌وره‌سور دا وژنێزیك سه‌حكره‌ قوناغێن بجهئینانا رێكێ.
پارێزگارێ دهۆكێ پیروزباهیا   خه‌لكێ ده‌ڤه‌رێ كر وده‌ستخوشى ل كومپانیا كاڤین گروپ كر هه‌مبه‌ر وێ چه‌ندێ كو (9)كم یێن رێكێ  بله‌ز وبكوالیتییه‌كا به‌رز چێكرینه‌ وگوت: ئه‌م خه‌لكێ خو پشت راستدكه‌ین  كو پشكا ماى ژ رێكا ناڤبرى ب هه‌مان له‌ز وكوالیتى دێ هێته‌ چێكرن ، وته‌كه‌زكر كو خه‌لكێ ده‌ڤه‌رێ وگوندێن دكه‌ڤنه‌ سه‌ر رێكێ دێ مفایه‌كێ باش ژێ بینن.
هه‌ژى گوتنێ یه‌ پرۆژه‌ ل سه‌ر بودجا حكومه‌تا هه‌رێما كوردستانێ بكوژمێ (14) ملیار دینارا  دهێته‌ ئه‌نجامدان درێژاهیا رێكێ (46) كم وهه‌تا ئه‌ڤرو رێكه‌فتى 7-10-2021 (9) كم  ب ته‌مامى هاتینه‌ قێركرن ول ده‌مه‌كێ نێزیك هه‌موو رێك دێ هێته‌ چێكرن وقێركرن وخه‌لكێ پتر ژ 15گوند وكومه‌لگه‌ها دێ مفاى وه‌رگرن.