ئیماڕات پاڵپشتی خۆی بۆ بڕیارەکەی سعوودیە ڕاگەیاند و باڵیۆزی خۆی لە لوبنان دەکشێنتەوە.
دوای ئەوەی دوێنێ هەینی سعوودیە باڵیۆزی خۆی لە لوبنان کشاندەوە، پاشان وڵاتەکانی بەحرەین و ئیماڕات باڵیۆزەکانی خۆیان لەو وڵاتەدا کشاندەوە، هاوکات ئەمڕۆ شەممە وەزارەتی دەرەوەی ئیماڕات پاڵپشتی خۆی بۆ بڕیارەکەی سعوودیە ڕایگەیاند و باڵیۆزی خۆی لە لوبنان بانگهێشت کردەوە.
وەزارەتی دەرەوەی ئیماڕات داواشی لە هاووڵاتییانی وڵاتەکەی کرد گەشت بۆ لوبنان نەکەن.
جێی باسە دوێنێ هەینی وەزارەتی دەرەوەی سعوودیە ڕاگەیاندراوێکی بڵاو کردەوە و ڕایگەیاند، باڵیۆزی خۆی لە لوبنان دەکشێنێتەوە بەهۆی ئەو لێدوانە نابەرپرسانەی جۆرج قەرەداحی وەزیری ڕاگەیاندنی لوبنان لە میانەی بەرنامەیەکی تەلەڤزیۆنیدا بەرامبەر بە سعوودیە و ئیماڕات، هەروەها ڕاشیگەیاند، بەهۆی پابەندنەبوونی لوبنان بە ڕێککەوتنی نێوانیان و کۆنتڕۆڵکردنی بەندەرەکان لەلایەن حزبوڵڵا و هەناردەکردنی ماددەی هۆشبەر بۆ ئەو وڵاتە باڵیۆزەکانیان لەو وڵاتە دەکشێننەوە.
کۆمێنت (0)
تا ئێستا هیچ کۆمێنتێک نەکراوە.