پارێزگارێ دهۆکێ پێشوازی ل نڤیسەر و رۆناکبیرێ مەزن ئیسماعیل بێشکچی کر

ئەڤرۆ رۆژا پێنچشەمبی رێکەفتی ٤ی چریا دووێ یا سالا ٢٠٢١ێ  “د.عەلی تەتەر” پێشوازی ل نڤیسەر و رۆناکبیرێ مەزن “ئیسماعیل بێشکچی” کر. 
دهەڤدیتنێدا پارێزگارێ دهۆکێ ب گەرمی بخێرهاتنا بەرێز بێشکچی کر، هەلۆیست و نڤیسین و خەباتا بێشکچی ژ پێخەمەت گەلێ کوردستانێ بلند سەنگاند و راگەهاند ئەم شانازیێ ب بێشکچی دکەین.
بەرێز ئیسماعیل بێشکچی دپەیڤەکێدا سۆپاسیا پارێزگارێ دهۆکێ کر و خۆشحالیا خۆ بڤێ پێشوازیێ دەربری و کۆرتیەک ل دۆر دیرۆکا گەلێ کوردستانێ و ئەو قوربانیدان و ماندیبوونا ددیرۆکێ دا خەلکێ کوردستانێ دیتی بەحسکر و دادیارکرن ب مخابنیڤە پێنچى ملیۆن مرۆڤێن کوردستانێ نوینەرەک ل نەتەوێن ئێکگرتی نینە ئەڤە ژی ب حەزا کوردستانیان و ب ئێکگرتنێ دێ ب دەستڤەهێت.
پاشان پارێزگارێ دهۆکێ خەلاتێ رێزلێنانێ یێ پارێزگەها دهۆکێ بناڤێ کارگێریا پارێزگەها دهۆکێ پێشکێشی بەرێز ئیسماعیل بێشکچی کر.