ده‌زگاكانی ڕاگه‌یاندنی توركیا بڵاویان كرده‌وه، بوومه‌له‌رزه‌یه‌ك به گوڕی 5.1 پله‌ی ڕێخته‌ر قه‌زای میرام له هه‌رێمی قوونییه له ناوه‌ڕاستی توركیای داوه.
ده‌زگای كاره‌سات و فریاكه‌وتنی توركیا (ئافاد) له به‌یاننامه‌یه‌كدا ئاشكرای كرد: ناوه‌ندی بوومه‌له‌رزه‌كه له قوڵایی 10.61 كیلۆمه‌تر له ژێر زه‌وییه‌وه ده‌ركه‌وتووه.
ده‌زگاكه ئاشكراشی كردووه كه هاووڵاتییانی قه‌زاكه و ده‌وروبه‌ری هه‌ستیان به زه‌وی له‌رزه‌كه كردووه، به‌ڵام تا ئێستا زانیاری له‌سه‌ر زیانه گیانی و مادییه‌كانی نه‌خراوه‌ته‌ڕوو.
کۆمێنت (0)
تا ئێستا هیچ کۆمێنتێک نەکراوە.