لە چین ئەوە راگەیەندرا کە تاقیکردنەوە سەرجێییەکان بۆ چەند دەرمانێک کە بۆچارەسەرکردنی ڤایرۆسی کۆرۆنای نوێ بەرھەمھێنراون، ئەنجامی ئومێدبەخشی بەدەست ھێناوە.
رۆژنامەی China Daily بڵاوی کردەوە، بەڕێوەبەری سەنتەری دۆزینەوەی پێشکەوتوو بۆ زانستی جینۆم لە پکین، سەنی شای ئەوەی راگەیاندووە کە دژەتەنێکی بەتەواوەتی چالاکیان دژبە ھەموو جۆرەکانی ڤایرۆسی کۆرۆنا دۆزیوەتەوە.
سەنی شای، جەختی لەوە کردەوە، دژەتەنەکە کە ناوی "DXP-604" لێنراوە لە لێکۆلینەوە تاقیگەییەکاندا لە بەرامبەر سەرجەم جۆرەکانی ڤایرۆسەکە چالاک دەرکەوتووە و ئەوەی راگەیاند کە لە نەخۆشخانەی دیتان لە پکین دەست بە قۆناغی دووەمی تاقیکردنەوە سەرجێیەکان کراوە بۆ ئەو دەرمانانەی کە لەم جۆرە دژەتەنە درووستکراون.
بەڕێوەبەری سەنتەری دۆزینەوەی پێشکەوتوو بۆ زانستی جینۆم لە پکین، سەنی شای ئاماژەی بەوەش کرد کە تا ئێستا ئەو دەرمانە لەسەر 14 نەخۆش تاقیکراوەتەوە و زۆر سەرکەوتوو بووە لە دوورخستنەوەی نیشانەکانی ڤایرۆسەکە.
لەلایەکی دیکەوە کۆمپانیای Brii Bionsciences کە لە چین و ئەمریکا کارەکانی بەڕێوەدەبات، بەمەبەستی پەسەندکردنی بۆ بەکارھێنانی خێرا، ھەردوو دەرمانی بەناوەکانی "BRII-96" و "BRII-198" کە لە دوو دژەتەن پێکھاتووە پێشکەشی فەرمانگەی دەرمان و خۆراکی ئەمریکای کردووە.
کۆمپانیاکە، ئەوەشی راگەیاند کە قۆناغی سێیەمی تاقیکردنەوە سەرجێیەکانی ئەو دەرمانەی کە بە ھەماھەنگی لەنێوان زانکۆی چینگوا و نەخۆشخانەی سێیەمی گەل لە شینجین بەرھەمھێنراوە، ئەوە بینراوە کە دەرمانەکە بەڕێژەی لەسەدا 78 رێژەی مردن و چارەسەرکردن لە نەخۆشخانە بۆ نەخۆشەکانی ڤایرۆسی کۆرۆنای کەمکردووەتەوە.
کۆمێنت (0)
تا ئێستا هیچ کۆمێنتێک نەکراوە.