کۆمپانیای فایزەر-بایۆنتێکی ئەمریکی داوای کرد مۆڵەت بە بەکارهێنانی دۆزی سێیەمی ڤاکسین بۆ هەموو کەسێکی سەروو 18 ساڵ بدرێت.
بە ئامانجی نیشاندانی ئەوەی کە کاتی فراوانکردنی هەڵمەتی بەکارهێنانی دۆزی سێیەمی ڤاکسین هاتووە، کۆمپانیاکە یەکەم ئەنجامەکانی لێکۆڵینەوەیەکی پێشکەش بە فەرمانگەی خۆراک و دەرمانی ئەمریکا کرد کە لەسەر 10 هەزار کەس ئەنجامدراوە.
لە لێکۆڵینەوەکەدا، ئەوە نیشاندراوە کە بەکارهێنانی دۆزی سێیەم دووبارە ئاستی بەرەنگاربوونەوەی کۆرۆنا بۆ رێژەی سەدا 96 بەرز دەکاتەوە و کاریگەرییە لاوەکییەکانیشی لە کاریگەرییەکانی بەکارهێنانی دۆزی دووەم دەچێت.
ئەو هاووڵاتییە ئەمریکییانەی بەهۆی تەمەن یان دۆخی تەندروستییان، توانای بەرەنگاربوونەوەی ڤایرۆسەکەیان نییە لە مانگی ئەیلوولەوە تا ئێستا دەتوانن دۆزی سێیەمی ڤاکسینی فایزەر-بایۆنتێک وەربگرن.
کۆمێنت (0)
تا ئێستا هیچ کۆمێنتێک نەکراوە.