ئه‌مڕۆ چوارشه‌م شه‌خته‌یه‌كی سه‌خت له باكوری ڕۆژهه‌ڵاتی وڵاتی چین دروستبووه كه 70 ساڵه شه‌خته‌ی له‌و جۆره له وڵاته‌كه ڕووینه‌داوه.
تۆڕی هه‌واڵی (سی سی تیڤی) چینی بڵاوی كرده‌وه: به‌هۆی بارینی ڕێژه‌یه‌كی زۆری به‌فر له ماوه‌ی 46 كاتژمێر، شه‌خته‌یه‌كی سه‌خت له شاری تونگلیاو له باكوری ڕۆژهه‌ڵاتی چین دروست بووه.
بڵاویشی كرده‌وه كه له شاره‌كه به‌فر به به‌رزی زیاتر 50 سانتیمه‌تر باریوه و به‌هۆیه‌وه ڕێگاكانی هاتوچۆ داخراوه و قوتابخانه و هۆیه‌كانی گواستنه‌وه‌ش به‌ته‌واوی په‌كیان كه‌وتووه.
به‌گوێره‌ی زانیارییه‌كانی ئاژانسه‌كه به‌هۆی سه‌رما و سه‌ختی شه‌خته و به‌فره زۆره‌كه‌‌وه تا ئێستا كه‌سێك گیانی له‌ده‌ستداوه.
جه‌ختیشی كرده‌وه كه وڵاتی چین له ساڵی 1951وه دروستبوونی شه‌خته‌ی سه‌ختی وای به‌خۆیه‌وه نه‌بینیوه.
ئه‌م سه‌رماوسۆڵ و به‌فری زۆر و شه‌خته‌یه به‌شێوه‌ی له‌ناكاو و پێش هاتنی واده‌ی سه‌رمای زستان له شاری تونگلیاو دروستبووه و ئه‌مه‌ش ترسی لای هاووڵاتییانی شاره‌كه دروستكردووه كه پێشبینی ده‌كه‌ن سه‌رمای زستانی ئه‌مساڵیان زۆر سه‌خت و دژوار بێت.
کۆمێنت (0)
تا ئێستا هیچ کۆمێنتێک نەکراوە.