ژماره‌ی ئه‌و کەسانه‌ی له ئاكامی ته‌قینه‌وه‌ی تانكه‌رێكی سووته‌مه‌نیدا له پێنجی تشرینی دووه‌مدا له شاری فریتاون پایته‌ختی كۆماری سیه‌رالیۆن، گیانیان له‌ده‌ست دا گه‌یشته 131 كه‌س.
به‌ڕێوه‌به‌ری ئاژانسی به‌ڕێوه‌بردنی كاره‌ساته نیشتمانییه‌كان، محه‌مه‌د لامرانا باه رایگه‌یاند، 63 كه‌س له‌وانه‌ی له ئاكامی رووداوه‌كه‌ی ناوچه‌ی وێڵنگتۆن له رۆژهه‌ڵاتی فریتاون برینداربوون به‌رده‌وامن له وه‌رگرتنی چاره‌سه‌ری پزیشكیی و ره‌وشی ته‌ندروستیی 19یشیان ناجێگیره.
دوای به‌ریه‌ككه‌وتنی تانكه‌رێكی سووته‌مه‌نی له‌گه‌ڵ ئۆتۆمبێلێك له پێنجی تشرینی دووه‌مدا، تانكه‌ره‌كه ته‌قییه‌وه و هه‌ر سه‌ره‌تا 115 كه‌س گیانیان له‌ده‌ست دا و زیاتر له 100ی دیكه‌ش بریندار بوون.
وه‌ك رێزگرتنێك له گیانی ئه‌و كه‌سانه‌ی له رووداوه‌كه‌دا گیانیان له‌ده‌ستداوه بۆ ماوه‌ی سێ رۆژ ماته‌مینی گشتیی له‌و وڵاته راگه‌یه‌ندرا.
کۆمێنت (0)
تا ئێستا هیچ کۆمێنتێک نەکراوە.