ئه‌ندامێکی هه‌واڵگری عێراق له‌ به‌سڕا کوژرا

ئه‌مشه‌و پێنجشه‌م ئه‌ندامێكی شانه‌ی هه‌واڵگری سه‌ر به‌ وه‌زاره‌تی ناوخۆی عێراق له‌ شاری به‌سڕا له‌لایه‌ن دوو چه‌كداره‌وه‌ ده‌كوژرێت.

ده‌زگاكانی ڕاگه‌یاندنی عێراق بڵاویان كرده‌وه‌: ئه‌مشه‌و دوو چه‌كداری نه‌ناسراو به‌ ماتۆڕسكیل هێرش ده‌كه‌نه‌ سه‌ر عه‌بدولزه‌هره‌ ناسر مالیكی ئه‌ندامێكی شانه‌ی هه‌واڵگری وه‌زاره‌تی ناوخۆ و ته‌قه‌ی لێ ده‌كه‌ن.

ئه‌ندامه‌كه‌ی شانه‌ی هه‌واڵگری له‌نێو ئۆتۆمبێڵی تایبه‌تی خۆی له‌ شاری به‌سڕا بووه‌ و ڕاسته‌وخۆ به‌ گوله‌ی چه‌كداره‌كان كوژراوه‌.

به‌گوێره‌ی زانیارییه‌كانیش دوو چه‌كداره‌ نه‌ناسه‌كه‌ دوای كوشتنی ئه‌ندامه‌كه‌ی شانه‌ی هه‌وڵگری، به‌ره‌و شوێنێكی نادیار هه‌ڵهاتوون.