له ئاكامی یاخیبوون و پێكدادان له گرتووخانه‌یه‌كی ئیكوادۆر، 68 حوكمدراو کوژران و 12 كه‌سی دیكه‌یش برینداربوون.
به‌پێی ئه‌و هه‌واڵه‌ی له میدیاكانی ئه‌و وڵاته بڵاو كراوه‌ته‌وه، یاخیبوون و پێكدادان له گرتوخانه‌ی لیتۆران له شاری گوایاكویل باشووری رۆژئاوای ئیكوادۆر رووی داوه.
لایه‌نی په‌یوه‌ندیدار رایگه‌یاندووه، ژماره‌ی ئه‌و حوكمدراوانه‌ی له پێكدادانه‌كه‌دا كوژراون، 58 كه‌سه و 12 كه‌سی دیكه‌یش برینداربوون.
یاخیبوون و پێكدادانه‌كه هێشتا به‌رده‌وامه و پۆلیس و سوپا- ش ده‌ستیان به ئۆپه‌راسیۆن كردووه.
له میانی گه‌ڕان و پشكنیندا، ده‌ست به‌سه‌ر بڕێكی زۆر چه‌ك و ئامێری بڕه‌ڕدا گیراوه.
لایه‌نی په‌یوه‌ندیدار ئاماژه‌ی به‌وه داوه، دواتر له‌باره‌ی رووداوه‌كانه‌وه كۆنگره‌ی رۆژنامه‌وانیی ده‌به‌ستن.
میدیای خۆجێیی بانگه‌شه‌ی ئه‌وه ده‌كات كه پێكدادانه‌كه له‌سه‌ر سه‌ركردایه‌تیكردن له‌نێوان چه‌ته‌كان و هه‌لومه‌رجی زیندانه .
کۆمێنت (0)
تا ئێستا هیچ کۆمێنتێک نەکراوە.