له ئاكامی كه‌وتنه‌خواره‌وه‌ی فڕۆكه‌یه‌كی بچووك له دوورگه‌ی بیڤه‌ر له ویلایه‌تی میشیگان باکووری رۆژهەڵاتی ویلایەتە یەکگرتووەکانی ئەمریکا، چوار كه‌س گیانیان له‌ده‌ست دا.
به‌رپرسانی ئه‌منیی ناوچه‌كه، كه‌وتنه‌خواره‌وه‌ی فڕۆكه‌یه‌كی بچووكیان له فڕۆكه‌خانه‌ی دوورگه‌ی بیڤه‌ر له ده‌ریاچه‌ی میشیگان راگه‌یاند.
به‌رپرسه‌كان باسیان له‌وه كرد كه له كۆی پێنج سه‌رنشینی فڕۆكه‌كه، چواریان گیانیان له‌ده‌ستداوه.
له راگه‌یه‌ندراوێكدا كه له‌لایه‌ن فه‌رمانگه‌ی فڕۆكه‌وانی فیدراڵیی ئه‌مریكاوه بڵاوكراوه‌ته‌وه، ئاماژه به‌وه كراوه كه فڕۆكه‌كه له قه‌زای شارلیفوی ده‌ستی به فڕین كردووه.
له راگه‌یه‌ندراوه‌كه‌دا، هه‌روه‌ها ئه‌وه خراوه‌تەڕوو كه هێشتا هۆكاری كه‌وتنه‌خواره‌وه‌ی فڕۆكه‌كه نازانرێت و له‌لایه‌ن ده‌سته‌ی ئه‌منیی گواستنه‌وه‌ی نه‌ته‌وه‌یی ئه‌مریكاوه لێكۆلینه‌وه ده‌ستی پێ كردووه و له هۆكاری كه‌وتنه‌خواره‌وه‌كه‌ی ده‌كۆڵدرێته‌وه.
کۆمێنت (0)
تا ئێستا هیچ کۆمێنتێک نەکراوە.