پۆلیسی سڕبیا ئاشكرای كرد، ئه‌مڕۆ یه‌كشه‌م بارهه‌ڵگرێكی پڕ له كۆچبه‌ر وه‌رگه‌ڕا و به‌هۆیه‌وه 2 كۆچبه‌ر گیانیان له‌ده‌ستدا و 19ی تریش بریندار بوون.
پۆلیسی سڕبیا هه‌روه‌ها ڕایگه‌یاند: ڕووداوه‌كه شه‌وی ڕابردوو له‌نزیك سنووری بولگاریا ڕوویداوه و بارهه‌ڵگره‌كه‌ش 22 كۆچبه‌ری نایاسایی باركردبوو.
ڕاشیگه‌یاند: بارهه‌ڵگره‌كه به خێراییه‌كی زۆر ده‌ڕۆیشت و خۆی له ستوونێكی كاره‌با داوه و وه‌رگه‌ڕاوه.
جه‌ختیشی كرده‌وه كه به‌هۆی ڕووداوه‌كه 2 كۆچبه‌ر گیانیان له‌ده‌ستداوه، هه‌روه‌ها 19 تریش برینداربوون و ئێستا له نه‌خۆشخانه‌كان چاره‌سه‌ری ته‌ندروستی ده‌كرێن.
پۆلیسی سڕبیا هه‌روه‌ها ڕایگه‌یاند: شوفێره‌ی بارهه‌ڵگره‌كه دوای ڕووداوه‌كه هه‌وڵیدابوو ڕابكات، به‌ڵام پۆلیس ده‌ستگیری كردبوو و به تۆمه‌تی قاچاغ و گواستنه‌وه‌ی نایاسایی ئێستا له گرتووخانه‌یه.
تا ئێستا ڕوون نه‌بووه‌ته‌وه له‌نێو كۆچبه‌ره‌كان هاووڵاتی كورد و عێراقی تێدایه یان نا، به‌ڵام ئه‌وه ئاشكراكراوه كه زۆرینه‌یان گه‌نج و لاون.
کۆمێنت (0)
تا ئێستا هیچ کۆمێنتێک نەکراوە.