لاوێكی كورد كه خەڵکی یەکێک لە گوندەکانی نەسوود سەر بە شاری پاوە له كوردستانی ئێران، دوای ئه‌وه‌ی ئه‌سپه‌كانی له لایه‌ن هێزه ئه‌منییه‌كانی ئێرانه‌وه ده‌كوژرێن ، کۆتایی بە ژیانی خۆی دةهيَنيَت.
رێكخراوی هه‌نگاو بۆ مافه‌كانی مرۆڤ بڵاویكرده‌وه، ئێوارەی ڕۆژی چوارشەممە 17 یلا 11 ی 2021 ، لاوێكی كورد كه ته‌مه‌نی 15 ساڵه ، به‌ناوی سرووش ڕەحمانی خەڵکی گوندی “هانەگەرمەڵە” سەر بە شاری نەوسوود و دانیشتووی شاری پاوە، کۆتایی بە ژیانی خۆی هێناوە.
بە وتەی سەرچاوەیەکی ئاگادار كه به‌هه‌نگاوی راگه‌یاندووه، بنەماڵەی سرووش ڕەحمانی بە هۆی هەژاری و قەرزدارییەوە خانووەکەیان لە گرەوی بانکدا بووە و باوکی سرووش تووشی شێرپەنجەیە، سروش بۆ ئەوەی هاوکاری بنەماڵەکەی بکات چەند سەر ئەسپی بە قەرز هێناوە و لە سنووری نەوسوود سەرقاڵی کۆڵبەری بووە کە چەند ڕۆژ پێش هێزەکانی سەرسنوور ئەسپەکانیان داوەتە بەر دەسڕێژی گولە و کوشتویانە.
ئەم سەرچاوە لە درێژەدا ڕایگەیاندووه: سرووش لە ماوەی ڕۆژانی ڕابردوو تووشی خەمۆکی بووە و ڕۆژی ڕابردوو لە کاتێکدا کە بە تەنیا لە ماڵەوە بووە لە باڵکۆنی ماڵی باوکیدا خۆی هەڵواسیوە و کۆتایی بە ژیانی خۆی هێناوە.
کۆڵبەرێکی کورد دوای کوژرانی ئه‌سپه‌کانی له‌لایه‌ن هێزه ئه‌منییه‌کانی ئێرانه‌وه خۆی کوشت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.