لیژنه‌ی لێكۆڵینه‌وه‌كانی بیلاڕووسیا ڕایگه‌یاند، به‌هۆی هه‌ڵسوكه‌وتی نه‌شیاو و به‌كارهێنانی هێز له‌لایه‌ن هێزه ئه‌منییه‌كانی پۆڵه‌ندا له‌سه‌ر سنووری بیلاڕووسیا، به‌لایه‌نی كه‌م 65 كۆچبه‌ر بریندار كراون.
دیمیتری گۆرا سه‌رۆكی لیژنه‌ی لێكۆڵینه‌وه‌كانی بیلاڕووسیا ڕایگه‌یاند: زۆرێك له‌و هاووڵاتییانه‌ی له‌سه‌ر سنووره‌كانن، له‌لایه‌ن پۆلیس و ده‌زگا ئه‌منییه‌كانی پۆڵه‌ندا ئازار و بریندار كراون ئه‌مه‌ش پێشێلكردنی مافه‌كانی مرۆڤ و بنه‌ماكانی كۆچبه‌رانه، له‌نێویاندا هاووڵاتی بیلاڕووسی و ڕووسی هه‌یه و ئه‌وانی تریش كۆچبه‌ری عێراقین كه 14 له‌وانه‌ی ئازار دراون منداڵ و ئافره‌تن.
ڕاشیگه‌یاند: هه‌موو ئه‌و كه‌سانه‌ی ئازاریان پێگه‌یشتووه وته‌یان لێ وه‌رگیراوه و سه‌رجه‌میان باس له‌وه ده‌كه‌ن كه به‌هۆی هه‌ڵسوكه‌وته نایاساییه‌كانی ده‌زگا ئه‌منییه‌كانی پۆڵه‌نداوه ئازارییان پێ گه‌یشتووه.
ده‌زگاكانی ڕاگه‌یاندن باسیان له‌وه كردووه كه هێزه ئه‌منییه‌كانی پۆڵه‌ندا بۆ بڵاوه‌پێكردنی كۆچبه‌ران ئاو و مادده‌ی قه‌ڵاچۆكردنی حه‌شه‌ڕات و په‌مپی هاڕاوی بیبه‌ری سووری به‌كارهێناوه.
کۆمێنت (0)
تا ئێستا هیچ کۆمێنتێک نەکراوە.