حکوومه‌تی هه‌رێم کارەبای نیشتیمانی دەگەێنێته‌ گوندی چناران لە قەڵادزێ

 كابینه‌ی نۆیه‌می حكوومه‌تی هه‌رێم به‌رده‌وامه‌ له‌ جێ به‌جێ كردنی پڕۆژه‌ خزمه‌تگوزارییه‌كانی بۆ ته‌واوی ناوچه‌كانی هه‌رێم.
له‌ راگه‌یاندراوێكدا،  به‌رێوه‌به‌رایه‌تی گشتی كاره‌بای سلێمانی بڵاویكرده‌وه‌:  بەسەرپەرشتی بەڕیوەبەرایەتی گشتی كارەبای سلێمانی و لەسەر بودجەی داهاتی (8%) کارەبا بە بڕی (111) ملیۆن دینار پرۆژەیەكی كارەبا لەسنووری بەڕێوەبەرایەتی دابەشكردنی كارەبای راپەرین جێبەجێ دەكرێت.
كاره‌بای گشتی سلێمانی ئاماژه‌ بۆ ئه‌وه‌شده‌كات: پرۆژەكە بریتیە لە گەیاندنی كارەبا بۆ گوندی چناران/ ناحیەی هێرۆ/ وێستگەی قەڵادزێ فیدەری 13
هه‌روه‌ها راشیده‌گه‌یه‌نن: پرۆژەكەش بەبڕی (111.742.000) سەدو یانزە ملیۆن و حەوت سەدو چل و دوو هەزار دینار لەلایەن کۆمپانیای سانان کارەکانی جێبەجێ دەکرێت و وا بڕیارە لەماوەی 35 رۆژدا كارەكانی تەواو بكرێت.

داڕشتنه‌وه‌ی هه‌واڵ - شوان عه‌زیز