بەڕێوەبەرایەتی گشتی نەهێشتنی ماددەهۆشبەرەکان ده‌ستگیر کردنی باندێکی 10 که‌سی راگه‌یاند

بەڕێوەبەرایەتی گشتی نەهێشتنی ماددەهۆشبەرەکان رایگه‌یاند: باندێكی 10 كه‌سیمان ده‌ستگیر كرد له‌گه‌ڵ ده‌ست به‌سه‌ر داگرتنی بڕێكی زۆر له‌ مادده‌ی هۆشبه‌ر.
له‌ راگه‌یاندراوێكدا، به‌رێوه‌به‌رایه‌تی گشتی نه‌هێشتنی مادده‌ی هۆشبه‌ر بڵاویكرده‌وه‌: ئه‌مڕۆ سێشه‌ممه‌ 23 ى 11 ى 2021  لەلایەن ئەفسەر و کارمەندانی بەڕێوەبەرایەتییه‌كه‌مان توانرا ( 10 ) تۆمەتبار دەستگیربکرێت لەگەڵ دەستبەسەرداگرتنی ئەم بڕە ماددە هۆشبەرانەی خوارەوە:
۱- بڕی ( 952 ) نۆسەد و پەنجا و دوو گرام تلیاک.
۲- بڕی ( 300 ) سێ سەد گرام کریستاڵ.
۳- بڕی ( 210 ) دووسەد و دە گرام حەشیش.
٤- بڕی ( 104 ) شیت حەبی هۆشبەری ترامادۆڵ.
٥- بڕی ( 18 ) هەژدە دانە حەبی کۆداین.
٦- ( 4 ) چوار دانە پایپ.
۷- بڕی ( 1000 ) هەزار یۆرۆی ساختە  .
وەتۆمەتبارەکان بەپێی ماددە ( 25 ) لەیاسای ماددە هۆشبەرەکان دراونەتە دادگا.