پۆلیسی هەولێر ڕوونکردنەوەیەک لەسەر هێرشکردن بۆ سەر فەرمانگەی پەیوەندییەکانی دەرەوەی حکوومەتی هەرێمی کوردستان بڵاو دەکاتەوە.
بەڕێوەبەرایەتی پۆلیسی پارێزگای هەولێر لە ڕوونکردنەوەیەکدا ڕایگەیاند: ئێوارهی ئەمڕۆ شەممە كاتژمێر 6:00ـی ئێوارە، کەسێک ویستوویەتی بچێتە ناو فەرمانگەی پەیوەندییەکانی دەرەوەی حکوومەتی هەرێمی کوردستان و هێرشی کردووەتە سەر پاسەوانەکان، ئەوانیش ڕووبەڕووی بوونەتەوە و لە ئەنجامدا گیانی لە دەست داوە.
هەروەها ڕایگەیاند: هێزەکانمان دەستبەجێ گەیشتنە شوێنی ڕووداوەکە و تەرمی کوژراوەکه بە ناوی (م. م) بۆ پزیشکی دادی گواستەوە.
پۆلیسی هەولێر ئاماژە بەوەش دەکات کە ئێستا لێکۆڵینەوە لەسەر ڕووداوەکە دەستی پێکردووە و دواتر زانیاریی زیاتر لەوبارەیەوە بڵاو دەکەنەوە.
کۆمێنت (0)
تا ئێستا هیچ کۆمێنتێک نەکراوە.