فەڕەنسا پەیامی سەرەخۆشی ئاراستەی خانەوادەی قوربانییانی پێشمەرگە شەهیدەکانی کوڵەجۆ دەکات کە شەوی ڕابردوو لە هێرشێکی تیرۆرستانی داعشدا شەهیدبوون.
کونسوڵخانەی گشتیی فەڕەنسا لە هەولێر ئەمڕۆ یەکشەممە لە تۆڕی کۆمەڵایەتی (تویتەر) پەیامێکی سەرەخۆشی بە زمانی کوردی بڵاوکردەوە و نووسیویەتی: کونسوڵخانەی گشتیی فەڕەنسا لە هەولێر سەرەخۆشی خۆی ئاراستەی خانەوادەکانی ئەو پێنج پێشمەرگەیەی کە دوێنێ شەو لە کوڵەجۆ لە ڕووبەڕووبوونەوەی داعشدا شەهیدبوون دەکات، هەروەها هاوسۆزی خۆی بۆ هاوڕێ بریندارەکانیان دەردەبڕێت.
هەروەها نووسیویەتی: جەنگی دژی داعش جەنگی هاوبەشی ئێمەیە و ئێمە ڕژدین لە بەردەوامیدان بەو جەنگە شانبەشانی پێشمەرگەکان، هێزەکانی تەناهی عێراقی و هاوبەشەکانمان لە هاوپەیمانی.
جێی باسە شەوی ڕابردوو له هێرشێکی تیرۆرستانی داعشدا بۆ سهر هێزهكانی پێشمهرگهی كوردستان پێنج پێشمهرگهی لیوای 5ـى پیاده شههید بوون و چواری دیكهش برینداربوون.
کۆمێنت (0)
تا ئێستا هیچ کۆمێنتێک نەکراوە.