ئه‌مڕۆ دووشه‌م بوومه‌له‌رزه‌یه‌ك به گوڕی 6.5ی پله‌ی ڕێخته‌ر له باشووری ڕۆژهه‌ڵاتی دوورگه‌ی هۆنشۆ ڕووی دا كه گه‌وره‌ترین دوورگه‌یه له وڵاتی ژاپۆن.
ناوه‌ندی (GFZ) بۆ تۆژینه‌وه‌ی زانسته‌كانی زه‌وی ئه‌ڵمانی بڵاوی كرده‌وه: بوومه‌له‌رزه‌كه ئێواره‌ی ئه‌مڕۆ دووشه‌م به گوڕی 6.5 پله‌ی ڕێخته‌ر بووه و باشووری ڕۆژهه‌ڵاتی دوورگه‌ی هۆنشۆی له ژاپۆن هه‌ژاندووه.
ناوه‌نده‌كه هه‌روه‌ها ئاشكراشی كرد كه سه‌رچاوه‌ی بوومه‌له‌رزه‌كه 10 كیلۆمه‌تر له‌ژێر زه‌وییه‌وه بووه.
ده‌زگاكانی ئه‌منی ژاپۆن تا ئێستا هیچ زانیارییه‌كیان له‌سه‌ر زیانه گیانی و مادییه‌كانی بوومه‌له‌رزه‌كه ڕانه‌گه‌یاندووه و هه‌روه‌ها ئاشكراشیان نه‌كردووه كه بوومه‌له‌رزه‌كه بووه‌ته هۆی دروستبوونی تسۆنامی یان نا.
کۆمێنت (0)
تا ئێستا هیچ کۆمێنتێک نەکراوە.