ده‌وامی فه‌رمی له‌ زانکۆی سلێمانی و پۆلیتەکنیک دەستپێدەکرێته‌وه‌

  ئه‌مڕۆ شه‌ممه‌ 4 ى 12 ى 2021 ، له‌ راگه‌یاندراوێكدا، زانکۆی سلێمانی بڵاویكرده‌وه‌: ئه‌مڕۆ  دەرگای بەشە ناخۆییەکان بۆ  قوتابییان دەکرێتەوە، ئەو قوتابیانه‌ی لە قۆناغی یەکن و تا ئێستا بەشە ناوخۆییان وەرنەگرتووە لە ڕۆژانی داھاتوودا بەشەناوخۆییان پێدەدرێت و سبه‌ی ده‌وامی له‌ زانكۆكه‌مان ده‌ستپێده‌كرێته‌وه‌.
 هه‌روه‌ها له‌ راگه‌یاندراوێكیشدا،  زانکۆی پۆلیتەکنیکی سلێمانی بڵاویكرده‌وه‌: سبه‌ی یه‌كشه‌ممه‌ ، ڕۆژی یەک شەممە5 ى 12 ى 2021، دەوامی  فه‌رمی  لە ھەموو کۆلێژ و پەیمانگا و بەشە زانستییەکانی سەر بە زانکۆی پۆلیتەکنیکی سلێمانی دەستپێدەکاتەوە.
راشیده‌گه‌یه‌نن: له‌سه‌ر داوای قوتابییان  بڕیاردراوە ڕۆژی سێشەممە 7ی 12ی 2021 تاقیکردنەوەکان لە زانکۆی پۆلیتەکنیکی سلێمانی دەستپێبکەنەوە بۆ ئەو بەش و قۆناغانەی کە تاقیکردنەوەیان تێدا ھەیە.