تەندروستی دانیماڕک ڕایگەیاند، ژمارەی تووشبووان بە کۆڕۆنا گۆڕاوە نوێیەکە کە بە ئۆمیکڕۆن ناسراوە، گەیشتۆتە 183 حاڵەت.
بەرپرسانی تەندروستی دانیماڕک ڕایانگەیاند: بەپێی دوایین ئامارەکان ژمارەی تووشبوون بە ئۆمیکڕۆن لە ماوەی 48 کاتژمێردا بەشێوەیەکی بەرچاو بەرزبۆتەوە.
بەپێی داتاکانی پەیمانگەی ئێس ئێس ئای ڕۆژی هەینی ڕابردوو ژمارەی حاڵەتەکان لە 18 بۆ 42 حاڵەت بەرزبۆتەوە، هەروەها ئەمڕۆ یەکشەممە ڕێژەکەی سێ ئەوەندە بەرزبۆتەوە و 183 حاڵەت تۆمار کراوە.
دانیماڕک ژمارەی دانیشتووانەکەی نزیکەی 5.8 ملیۆن کەس دەبێت، ئۆمیکڕۆن لەو وڵاتەدا بەشێوەیەکی بەرچاو تەشەنەی سەندووە و حکوومەتەکەی داوا لە هاووڵاتییانی دەکات کە پابەندی ڕێنماییە تەندروستییەکان ببن و ڤاکسین وەربگرن.
کۆمێنت (0)
تا ئێستا هیچ کۆمێنتێک نەکراوە.