ئه‌مڕۆ پێنجشه‌م دوای تێپه‌ڕبوونی 100 ساڵ نمایشی شانۆگه‌ری سه‌ڵاحه‌دین ئه‌یووبی دووباره له شاری هه‌ولێر ئه‌نجامدرایه‌وه .
ئێوارەی ئەمڕۆ پێنجشەم بە ئامادەبوونی ئومێد خۆشناو پارێزگاری هەولێر و د.سالار عوسمان بریکاری وەزارەتی ڕۆشنبیری و ژمارەیەکی زۆر لە هونەرمەندان و شانۆکارانی هەولێر و سلێمانی، لە چوارچێوەی یادی 100 ساڵەی سەرهەڵدای شانۆ لە هەولێر، لە هۆڵی بەڕێوەبەرایەتی شانۆی هەولێر، شانۆگەری سەڵاحەدینی ئەیووبی نمایش كرا.
شانۆگه‌ری سه‌ڵاحه‌دین ئه‌یووبی لە ئامادەکردنی موحسین محەمەد و دەرهێنانی یوسف عوسمانه.
شانۆگه‌ری سه‌ڵاحه‌دین ئه‌یووبی سه‌د ساڵ بەر لە ئەمڕۆ و لە ساڵی 1921 بۆ یەکەمینجار و وەک یه‌كه‌مین شانۆگه‌رى له قوتابخانه‌ى ئه‌ربیل ئوولا نمایش کرابوو.
کۆمێنت (0)
تا ئێستا هیچ کۆمێنتێک نەکراوە.