بارهەڵگرێک كه ژماره‌یه‌ك كۆچبه‌ری ناوه‌ڕاستی ئه‌مریكای لە مەکسیک هه‌ڵگرتبوو خۆی كێشاوه به پردێكدا و له ئه‌نجامدا 53 کەس گیانیان له‌ده‌ستدا ژمارەیەکی تریش برینداربوون.
بەرپرسانی مەکسیک ڕایانگەیاند: بارهەڵگرێک لە ویلایەتی چیاپاسی باشووری ڕۆژهەڵاتی وڵاتەکە پەڕیوەتەوە کە خاڵێکی سەرەکیی ئەو کۆچبەرانەیە کە دەیانەوێت بگەنە سنووری ئەمریکا.
هەروەها ڕایانگەیاند: شۆفێری بارهەڵگرەکە بە خێراییەکی زۆر بارهەڵگرەکەی لێخوڕیوە و دوای ڕووداوەکەش لەو شوێنە هەڵاتووە، هەروەها ئەمبووڵانس و تیمەکانی ئاگرکوژێنەوە ده‌ستبه‌جێ گەیشتوونەتە شوێنی ڕووداوەکە و ئەو کۆچبەرانەی لە بارهەڵگرەکەدا مابوونەوە، بۆ نه‌خۆشخانه گواسترانه‌وه.
ڕاشیانگەیاند: ڕووداوەکە بووەتە هۆی گیان لەدەستدانی 53 کەس و 58 کەسی دیکەش برینداربوونە و ڕەوانەی نەخۆشخانە کراون.
هەروەها ئاماژە بەوە دەکرێت کە زۆربەی کۆچبەرەکان هاووڵاتی گواتیمالایان، لەمبارەیەوەش ئالێخاندرۆ جاماتێ سەرۆکی گواتیمالا لە تویتێکدا ئامادەیی خۆی نیشاندا بۆئەوەی یارمەتی پێشکێشی هاووڵاتییانی وڵاتەکەی بکات و بیانگەڕێنێتەوە شوێنی نیشته‌جیی خۆیان.
کۆمێنت (0)
تا ئێستا هیچ کۆمێنتێک نەکراوە.