به‌لایه‌نی كه‌م 80 كه‌س له هه‌رێمی كنتاكی ئه‌مه‌ریكا گیانیان له‌ده‌ست دا به‌هۆی هه‌ڵكردنی ئه‌و گه‌رده‌لووله‌ی له ناوه‌ڕاست و باشووری ئه‌مه‌ریكا سه‌ری هه‌ڵدا.
ئیندی پیشێر حاكمی هه‌رێمی كنتاكی به تۆڕی هه‌واڵی (سی ئێن ئێن)ی ڕاگه‌یاند: پێشبینی ده‌كه‌ین ژماره‌ی مردووان بۆ سه‌رووی 100 هاووڵاتیش به‌رزبێته‌وه. هه‌روه‌ها گه‌رده‌لووله‌كه‌ی به به‌هێزترین گه‌رده‌لوول له مێژووی كنتاكی وه‌سف كرد.
سه‌رچاوه‌كه جه‌ختیشی كرده‌وه كه گه‌رده‌لووله‌كه تا ئێستا له ناوه‌ڕاست و باشووری ئه‌مه‌ریكا به‌لایه‌نی كه‌م 93 كه‌سی كوشتووه.
ئه‌مه جگه له‌وه‌ی كه زیانێكی زۆر و فراوانی به هه‌رێمی كنتاكی و ناوچه‌كانی تر گه‌یاندووه.
ده‌سه‌ڵاتدارانی فریاكه‌وتنی فیدڕالی ئه‌مه‌ریكا ڕایگه‌یاندبوو كه هه‌وڵه‌كانیان بۆ ڕزگاركردنی لێقه‌وماوان به‌رده‌وامه و هیوایان هه‌یه له ڕۆژانی داهاتوو ژماره‌یه‌كی زۆر ڕزگاربوو بدۆزنه‌وه.
کۆمێنت (0)
تا ئێستا هیچ کۆمێنتێک نەکراوە.