وەزارەتی بازرگانی و پیشەسازی و رێكخراوی كۆچی جیهانی (IOM) لە كۆنفرانسێكدا لە شاری بەغدا تاوتوێی دەرفەتی كار بۆ پرۆژە بچووك و مام ناوندەكان دەكەن.
رۆژی سێشەممە 14-12-2021 كەمال موسلیم، وەزیری بازرگانی و پیشەسازی بە یاوەری فهتحی محمد عهلی، ڕاوێژكاری پەیوەندیەكان و كۆڤان جەلال، بەرێوەبەر گشتی پیشەسازی و بەرێوەبەری نوسینگەی تایبەت لە سەردانێكیان بۆ شاری بەغدا بەشدارییان لە پرۆگرامێكی گرنگ سەبارەت بە ڕاگەیاندنی (1000) دەرفەتی كار بۆ پشگیری كردنی پرۆژەكانی بچووك و مام ناوەند كرد كه ههموو بەشەكانی عێراق و هەرێمی كوردستان دەگرێتەوە.
شاندی وەزارەتی بازرگانی و پیشەسازی بە هەماهەنگی لەگەڵ رێكخراوەكە تاوتۆیی بەرنامەی هاوشێوە دەكەن، لە كۆنفرانسەكەدا وەزیری بازرگانی و پیشەسازی وتەیەكی پێشكەشكردو تیشكی خستە سەر گرنگی و رۆڵی دەستی كار و دەرفەتەكان بۆ بەدیهێنانی سەقامگیری و پەرەپێدان بە پرۆژە بچووك و مام ناوەندەكان، تا ببنە رێگەیەك بۆ گەشەسەندنی بوارەكانی ئابووری و بازرگانی و پیشەسازی.
کۆمێنت (0)
تا ئێستا هیچ کۆمێنتێک نەکراوە.