دیالە.. خۆپیشاندانی دەرچووانی زانکۆ و پەیمانگاکان به‌ مه‌به‌ستی دامه‌زراندنیان بەردەوامە

ماوەی چەند رۆژێکە ژمارەیەکی زۆر لە دەرچووانی زانکۆ و پەیمانگاکان لە شاری باقووبە سەنتەری پارێزگای دیالە رۆژھەڵاتی عێراق، خۆپیشاندان ئەنجام دەدەن کە لە میانیدا داوا دەکەن کە لە کەرتی گشتییدا دابمەزرێندرێن.
میدیا عێراقییەکان بڵاویان کردەوە کە ئەمڕۆ دووشەممە20 ى 12 ى 2021، ژمارەیەکی زۆر لە دەرچووانی زانکۆ و پەیمانگاکان لە شاری باقووبە سەنتەری پارێزگای دیالە رۆژھەڵاتی عێراق، درێژەیان بە خۆپیشاندان داوە.
ئاماژەیان بەوەیش داوە کە لە میانی خۆپیشاندانەکاندا، خۆپیشاندەران رێگای بەردەم ئەنجوومەنی پارێزگای دیالە ناوەڕاستی شاری باقووبە داخستووە و داوا دەکەن لە کەرتی گشتییدا، دابمەزرێندرێن.
بەپێی میدیای عێراقی لە میانی خۆپیشاندانەکاندا، خۆپیشاندەران جەختیان کردووەتەوە لەسەر ئەوەی کە بەردەوام دەبن لە ئەنجامدانی خۆپیشاندان، تا ئەو کاتەی داواکارییەکانیان جێبەجێ دەکرێت.