ئێوارەی ئەمڕۆ سێشەممە هاووڵاتییەکی تەمەن 45 ساڵ کە پیشەی کرێکاریە، هەروەها خێزاندارە و خاوەنی 8 منداڵە لە کارگەیەکی شاری هەولێر لەسەر ئامێری سەرخستنی بلۆک کەوتە خوارەوە.
خێزانەکەی بە (کوردستان تیڤی)ـییان ڕاگەیاند: هاووڵاتییەکە ناوی (جەبار حەسەن)ـە، دانیشتووی قەزای خەباتە، ڕۆژانە بە مەبەستی کارکردن و سەردانی شاری هەولێری دەکرد و دوای گواستنەوەی کەرەستەی بلۆک بۆ باڵەخانەیەک دەکەوێتە خوارەوە و بەهۆیەوە گیان لەدەست دەدات.
هەروەها خێزانەکەی ئاماژەیان بەوەش کرد کە ئەو هاووڵاتییە لەسەر ئامێری سەرخستنی بلۆک لە نهۆمی پێنجەمەوە کەوتۆتە خوارەوە و گیانی لەدەستداوە.
پەیامنێر: سالار نامیق
کۆمێنت (0)
تا ئێستا هیچ کۆمێنتێک نەکراوە.