جۆ بایدن، سەرۆکی ئەمریکا، رایگەیاند کە ئەگەر رەوشی تەندروستیی باش بێت، ئەوا بۆ هەڵبژاردنە سەرۆکایەتییەکەی 2024 خۆی کاندید دەکاتەوە.
جۆ بایدن لە دیمانەیەکیدا لەگەڵ کەناڵی ABC لە وەڵامی پرسیارێکدا کە ئایا بیر لە خۆکاندیدکردن دەکاتەوە گوتی: "من مرۆڤێکم زۆر رێز لە قەدەر دەگرم. قەدەر لە ژیانی مندا زۆر جار دڵنەوایی بووە. ئەگەر وەک ئێستا ئەو کاتەش رەوشی تەندروستییم باش بێت خۆم کاندید دەکەمەوە".
سەرۆکی ئەمریکا لە وەڵامی پرسیاری پێشکەشکار، دەیڤد مۆیر-دا کە ئایا دووبارە دەیەوێت رکابەرایەتی دۆناڵد ترەمپ بکاتەوە یان نا گوتی: "ئەگەر کاندید بێت بۆچی کێبڕکێ بەرامبەر ترەمپ نەکەم، ئەو کێبڕکێیە چاوەڕوانییەکان زیاتر دەکات".
پێشتر کۆشکی سپی ئاماژەی بەوە کردبوو، سەرۆکی ئەمریکا، جۆ بایدن کە لە 2024دا تەمەنی دەبێتە 81 ساڵ نیازی خۆکاندیدکردنەوەی هەیە.
کۆمێنت (0)
تا ئێستا هیچ کۆمێنتێک نەکراوە.