سلێمانی.. 418 ملیۆن دینار بۆ جێبەجێکردنی 16 پرۆژەی سێکتەری گەشتوگوزار خەرج کرا

وه‌زاره‌تی شاره‌وانی رایگه‌یاند: له‌ پارێزگای سلێمانی 418 ملیۆن دینار بۆ جێ به‌جێ كردنی 16 پڕۆژه‌ی سێكتەری گەشتوگوزار خەرج كرا.
ئه‌مڕۆ پێنجشه‌ممه‌ 23 ى 12 ى 2021، له‌ راگه‌یاندراوه‌كه‌ی وه‌زاره‌تی شاره‌وانی و گه‌شت و گوزاری حكوومه‌تی هه‌رێمی كوردستان بڵاویكرده‌وه‌: لە چوارچێوەی كارنامەی كابینەی نۆیەمی حكوومەتی هەرێمی كوردستان، وەزارەتمان بایەخێكی زۆر بە پەرەپێدانی كەرتی گەشتوگوزار لە سەرتاسەری كوردستان دەدات و ئێستاش لەو ڕوانگەیەوە لە فەرمانێكی وەزاری خۆیدا گوژمەی زیاتر لە 418 ملیۆن دیناری بۆ ئەو كەرتە لە سلێمانی خەرج كرد.
وه‌زاره‌ت ئاماژه‌ بۆ ئه‌وه‌شده‌كات: گوژمەكە لەسەر ڕێژەی 15%ی داهاتی كەرتی گەشتیارییە لە سنووری بەڕێوەبەرایەتیی گشتیی گیشتوگوزاری سلێمانی و بە مەبەستی جێبەجێكردنی 16 پرۆژەی هەمەجۆری بچووك و مامناوەندی كەرتی گەشتوگوزار خەرج كرا.