ئێواره‌ی ئه‌مڕۆ پێنجشه‌م ته‌قینه‌وه‌یه‌ك له بازاڕێكی شاری تارانی پایته‌ختی ئێران كه‌وته‌وه و به‌هۆیه‌وه قوربانی هه‌یه.
ئاژانسی ده‌نگوباسی (ئیرنا)ی ئێرانی بڵاوی كرده‌وه: ته‌قینه‌وه‌كه له‌نێو بازاڕی (شه‌هید مه‌حه‌لاتی) له گه‌ڕه‌كی زهور له خۆرهه‌ڵاتی تارانی پایته‌خت ڕوویداوه.
ڕاشیگه‌یاند: ته‌قینه‌وه‌كه له بوتڵێك غاز سه‌ری هه‌ڵداوه و دواتریش ته‌واوی دووكان و بازاڕه‌كه گڕی گرتووه و سووتاوه.
هه‌روه‌ها ڕایگه‌یاند: بازاڕی شه‌هید مه‌حه‌لاتی یه‌كێكه له بازاڕه هه‌ره قه‌ره‌باڵغه‌كانی شاری تاران و پێشتریش چه‌ند جارێكی تر به‌هۆی ئاگره‌وه سووتاوه.
به‌گوێره‌ی سه‌رچاوه‌كه له ڕووداوه‌كه‌دا قوربانی هه‌یه، به‌ڵام تا ئێستا ژماره‌كه ڕانه‌گه‌یه‌نراوه و ئێستاش ئاگره‌كه كۆنتڕۆڵكراوه.
کۆمێنت (0)
تا ئێستا هیچ کۆمێنتێک نەکراوە.