ئه‌نجوومه‌نی نیشتمانی بۆ به‌ره‌نگاربوونه‌وه‌ی مه‌ترسی و كه‌مكردنه‌وه‌ی كاره‌ساته سروشتییه‌كانی فیلپین ئه‌مڕۆ هه‌ینی دوایین زانیاریی له‌سه‌ر ژماره‌ی قوربانییانی گه‌رده‌لوولی ڕای ئاشكرا كرد و ڕایگه‌یاند، ژماره‌ی قوربانییان به‌شێوه‌یه‌كی گشتی بۆ زیاتر له 1000 كه‌س به‌رزبووه‌ته‌وه.
ئه‌نجوومه‌نه‌كه ڕایگه‌یاند: به‌هۆی گه‌رده‌لوولی ڕای كه هه‌فته‌ی ڕابردوو له فیلیپین ڕووی دا و كاره‌ساتێكی مرۆیی و ژینگه‌یی ڕوویداوه، به‌شێوه‌یه‌كی گشتی 326 كه‌س مردوون، 661 كه‌سیش به‌شێوه‌ی جیاواز برینداربوون و تا ئێستاش چاره‌نووسی 58 كه‌س نادیار و بزره.
ئاژانسی ده‌نگوباسی (فڕانس پرێس) پێشتر له سه‌رچاوه‌یه‌كی پۆلیسی فیلپین گواستبوویه‌وه كه ژماره‌ی مردووان به‌هۆی گه‌رده‌لوولی ڕای 208 كه‌سه.
ده‌سه‌ڵاتدارانی فیلپینیش پێشتر له كاتێكی تردا ڕایانگه‌یاندبوو كه 156 كه‌س مردوون و 275 كه‌سیش بریندارن له‌گه‌ڵ 37 كه‌سی تر بێ سه‌روشوێنن.
گه‌رده‌لوولی ڕای له ڕۆژی 16ی ئه‌م مانگه له فیلیپین ڕووی دا و ده‌سه‌ڵاتدارانی ئه‌و وڵاته ئاماژه‌یان به‌وه‌دا كه ئه‌مه گه‌وره‌ترین ڕووداوی سروشتی بووه له مێژووی ئه‌و وڵاته ڕوو بدات و به‌هۆیه‌وه زه‌وییه‌كی زۆر داڕما و لافاو و كاره‌ساتی سروشتی گه‌وره‌شی به‌دوای خۆیدا هێنا.
کۆمێنت (0)
تا ئێستا هیچ کۆمێنتێک نەکراوە.