لە ئاکامی نقومبوونی بەلەمێک لە دوورگەی چوها باشووری یونان، 11 کۆچبەری نایاسایی گیانیان لەدەستدا کە لە رێگەدابوون بۆ گەیشتن بە ئیتاڵیا.
ئاژانسی هەواڵی فەرمی یۆنان بڵاوی کردەوە، بەلەمەکە نزیکەی 100 کۆچبەری نایاسایی لەسەر بووە.
بەگوێرەی ئاژانسەکە، بەلەمەکە لەو کاتەی کە لە رێگەدا بووە بۆ ئیتاڵیا نقومبووە، و لە ئاکامدا 11 کەس گیانیان لەدەستداوە کە نۆیان ئافرەت بوونە.
لە هەواڵەکەدا ئەوەش خراوەتەڕوو کە هێزەکانی ئاسایشی کەناراوەکانی یۆنان 90 کۆچبەریان رزگارکردووە کە 27 یان منداڵ بووە.
له‌لایه‌كی دیكه‌وه 3 كۆچبه‌ری دیكه له ده‌ریای ئیجه-ی نزیك یۆنان ،دوێنێ هه‌ینی خنكان.
کۆمێنت (0)
تا ئێستا هیچ کۆمێنتێک نەکراوە.