هێزه‌ ئه‌منییه‌کانی ئێران 2 هاووڵاتی کورد ده‌ستگیر ده‌که‌ن

دوو هاووڵاتیی خەڵکی نەغەدە  لەلایەن هێزە ئەمنییەکانی ئێرانه‌وه‌ ده‌ستگیركران.
رێكخراوی هه‌نگاو بۆ مافه‌كانی مرۆڤ بڵاویكرده‌وه‌:  له‌ یه‌كشه‌ممه‌ی هه‌فته‌ی رابردوو 19 ی 12 ی 2021 ،  هێزە ئەمنییەکانی ئێران  دوو هاووڵاتیی خەڵکی گوندی “کوئیک” سەر بە شاری نەغەدەیان بە ناوەکانی فەرزین عەبدوڵڵازاده و سەرهەنگ عەبدوڵڵازاده دەستگیركردووه‌ و بۆ شوێنێکی نادیار گواستراونه‌ته‌وه‌. 
بە وتەی سەرچاوەیەکی ئاگادار ئەم، دوو هاووڵاتییە بە پیشاندانی هیچ بەرگەیەکی دادوەری دەستگیركراون و ماڵەکانیشان لەلایەن هێزە ئەمنییەکانەوە پشکێندراوە.
رێكخراوه‌كه‌ راشیده‌گه‌ێنێت: دوای تێپەڕینی 6 ڕۆژ لە دەستگیركرانی سەرهەنگ عەبدوڵڵازاده و فەرزین عەبدوڵڵازاده و سەرباری بەدواداچوونی بەردەوامی منداڵەکانیان، هیچ زانیارییەک لە سەر چارەنووس، شوێنی ڕاگیران و هۆکاری دەستبەسەر کرانیان لە بەر دەستدا نییە.