تیمەکانی حکوومەت بەردەوامن لە خاوێنکردنەوە و فراوانکردنی ئاوەڕۆکانی ناحییە و گەڕەکەکانی شاری هەولێر، کارەکانیش لە قۆناغی کۆتاییدان.
ڕێبوار کاکەیی بەڕێوەبەری ئاودێری پارێزگای هەولێر تایبەت بە (کوردستان تیڤی) ڕاگەیاند: تیمەکانمان شەو و ڕۆژیان خستۆتە سەریەک بۆ لابردنی مەترسییەکانی لافاو لە گەڕەک و ناحییەکانی سنووری شاری هەولێر.
ڕاشیگەیاند: هەڵمەتەکەمان زۆر بە بەرفراوانی دەست پێ کردووە و کارەکانی خاوێنکردنەوە و فراوانکردنی ئاوەڕۆکانی شاری هەولێر لە قۆناغی کۆتاییدان.
ئاماژەی بەوەش کرد کە چەندین کۆمپانیا لە شارەکانی هەولێر و دهۆک بە شێوەی خۆبەخش هاوکارمان بوون. جەختیشی کردەوە تا مەترسییەکانی لافاو لە سنووری شاری هەولێر کۆتایی دێت بەردەوام دەبن لە کارکردن.
پەیامنێر: کارزان کاکل
کۆمێنت (0)
تا ئێستا هیچ کۆمێنتێک نەکراوە.