ئه‌مڕۆ ده‌ست به‌دابه‌شکردنی مووچه‌ ده‌کرێت و ته‌ندروستی له‌ ده‌ستپێکه‌

وه‌زاره‌تی دارایی ده‌ست به‌دابه‌شكردنی مووچه‌ی مانگی 12 ى ساڵی 2021 ده‌كات.
وه‌زاره‌تی دارایی و ئابووری حكوومه‌تی هه‌رێمی كوردستان بڵاویكرده‌وه‌: ئه‌مڕۆ یه‌كشه‌ممه‌ 2 ى 1 ى 2022 ، مووچه‌ی وه‌زاره‌تی ته‌ندروستی به‌بێ لێبڕین دابه‌شده‌كرێت.
وه‌زاره‌ت ئاماژه‌ بۆ ئه‌وه‌شده‌كات، كه‌ دابه‌شكردنی مووچه‌ی مانگی 12 به‌رده‌وام ده‌بێت و له‌ رۆژانی داهاتووش شوێنه‌كانی دیكه‌  به‌پێی خشته‌ی ئاماده‌كراو مووچه‌ وه‌رده‌گرن.
وه‌زاره‌تی دارایی و ئابووری حكوومه‌تی هه‌رێمی كوردستان له‌ 25 ى هه‌ر مانگێك ده‌ست به‌دابه‌شكردنی مووچه‌ی دام و ده‌زگاكان ده‌كات، به‌هۆی پشووی سه‌ری ساڵه‌وه‌ ده‌ستپێكردنی  مووچه‌ی مانگی 12 كه‌وته‌ ئه‌م ڕۆژه‌وه‌.

ئاماده‌كردنی هه‌واڵ - شوان عه‌زیز